iOS ပေါ်ကနေ အိမ်သုံးမီတာ/လုပ်ငန်းသုံးမီတာ ကျသင့်နှုန်းကို တွက်နည်း

ဟိုတစ်နေ့က Group ထဲမှာ ပို့စ်တစ်ခု တွေ့လိုက်လို့ပါ။ iOS ပေါ်ကနေ မီတာခကျသင့်နှုန်းကို တွက်ချက်ပေးမယ့်App ကို မေးထားတဲ့ ပို့စ်ပါ။ Andriod တွေအတွက်ကတော့ Applications တွေ ရှိနေတဲ့အတွက် အဆင်ပြေပေမယ့်iOS အတွက်ကတော့ App တစ်ခုမှ မရှိသေးပါဘူးခင်ဗျာလို့။ ဒါကြောင့် အရင်က ကျနော်တင်ထားခဲ့တဲ့ ပို့စ်အဟောင်းလေးကိုပဲ ပြန်ရှာဖွေပြီး Edit လုပ် တင်ပေးလိုက်ရပါတယ်။

အိမ်သုံးမီတာရော၊ လုပ်ငန်းသုံးမီတာအတွက်ရော ဖြစ်ပါတယ်။ ( ၁ ) ယူနစ်ကနေ ဘယ်နှယူနစ်အထိဆိုဘယ်လောက် ဘာညာ စသည်ဖြင့် ခေါင်းစားခံပြီး တွက်ချက်နေစရာ မလိုအောင်လို့ ဖန်တီးသူက စီစဉ်ပေးထားပါတယ်။ ( အပေါ်က မီတာယူနစ်ဘေးက အကွက်ထဲမှာ ကိုယ်သုံးထားတဲ့ ယူနစ်အရေအတွက်ပဲ ရိုက်ထည့်ရမှာ ဖြစ်ပါတယ်။ ဥပမာ ပြီးခဲ့တဲ့လရဲ့ မီတာစာရွက်မှာပါတဲ့ ယခုလဖတ်ခြင်းဆိုတဲ့အောက်မှာ 30926 ဆိုပါစို့။ အခုလက်ရှိအိမ်ကမီတာမှာ ပေါ်နေတဲ့ ယူနစ်က 31226။ အာ့ဒါဆို များတဲ့အထဲက နည်းတာကို နှုတ်ကြည့်လိုက်။ 300 ယူနစ်ပါ။အာ့ဒါ ဒီလအိမ်မှာသုံးထားတဲ့ ယူနစ်ဖြစ်ပါတယ်။ အာ့ယူနစ်ကိုမှ ပုံထဲက နေရာမှာ ရိုက်ထည့်ပေးပြီး တွက်မည်ကိုနှိပ်ရမှာ ဖြစ်ပါတယ်။ ) တစ်ခါထဲ အဖြေ Results ကို ထုတ်ပေးသွားမှာပဲ ဖြစ်ပါတယ်။

ကျနော်ပေးထားတဲ့ Link ကို နှိပ်ပြီး သွားရပါမယ်။

( ၁ ) အိမ်သုံးမီတာ ကျသင့်ခကို တွက်ရန်လင့် >>> ( https://yesc.org.mm/meter-calculator )

( ၂ ) လုပ်ငန်းသုံးမီတာ ကျသင့်ခကို တွက်ရန်လင့် >>> ( https://yesc.org.mm/meter-calculator )

မီတာယူနစ်ရဲ့ ဘေးက Box ထဲမှာ မိမိတို့ သုံးစွဲထားပြီးဖြစ်တဲ့ ယူနစ်ကို ရေးထည့်ပေး ရပါမယ် ။ ပြီးလျှင် တွက်မည်ကို နှိပ်လိုက်ရုံပါပဲ။ ခဏကြာပြီးလျှင် ယခင်နှုန်းထားဆိုတဲ့ ဇယားကွက်ထဲမှာ ကျသင့် မီတာခကို ဖော်ပြပေးပါလိမ့်မယ်။ သူ့အောက်မှာတော့ ယခုနှုန်းထားဆိုသည့် လက်ရှိတက်သွားတဲ့ မီတာကောက်ခံနှုန်းကို အလိုအလျှောက် တွက်ချက်ပေးပြီး ဖော်ပြပေးသွားမှာပဲ ဖြစ်ပါတယ်။ ထွက်ရှိလာတဲ့ မီတာခကို ( ၅၀၀ ) ကျပ် ထပ်ပေါင်းပေးလိုက်ပါက သင်ဆောင်ရမယ့် မီတာခနှုန်းကို ရပါပြီ။ နောက်ပြီး ဒီလင့်ကို iOS or Andriod ပေါ်ကနေအသုံးပြုလို့ရပါတယ်။

ကဲ ဒါဆိုရင် … မိမိတို့အနေဖြင့် လက်ရှိသုံးစွဲထားတဲ့ မီတာယူနစ်ကို ဖတ်ကြည့်ပြီး မည်ရွေ့မည်မျှ ဆောင်ရမလဲဆိုတာကို လွယ်ကူစွာ တွက်ချက်ပြီး ကြိုတင်၍ သိရှိနိုင်ပါကြောင်း … ။