iOS 14 ရဲ့ Key Feature တွေထဲကတစ်ခုဖြစ်တဲ့ Apple CarKey အကြောင်း

Apple က 2014 ခုနှစ်မှာကားမောင်းရင်းဖုန်းသုံးနိုင်မဲ့ Smart & Safe ဖြစ်စေပြီး ဖုန်းထဲက Application တွေကို ကားရဲ့ Infotainment Touch Screen ပေါ်မှာသုံးလို့ရတဲ့ Apple CarPlay ဆိုတဲ့ feature ကိုမိတ်ဆက်ခဲ့ပါတယ်။

2014 March မှာကျင်းပတဲ့ Geneva Auto Show မှာ Ferrari FF နဲ့ပွဲဦးထွက်မိတ်ဆက်ခဲ့ပါတယ် Mercedes Benz နှင့်Volvo တို့လည်းအတူပါဝင်ခဲ့ပေမယ့် BMW ကတော့သူတို့ကားတွေမှာ Support လုပ်မှာမဟုတ်ဘူးလိုကြေငြာခဲ့ပါတယ်။ ဒါပေမယ့်နောက်ပိုင်းမှာတော့သူတို့ဆုံးဖြတ်ချက်ကိုပြင်ခဲ့ရပြီး အခုချိန်မှာတော့နိုင်ငံတကာမှာရောင်းတဲ့ 80 % သောကားသစ်တွေမှာ Apple CarPlay Builtin ပါဝင်နေပြီဖြစ်ကာ US ဈေးကွက်မှာဆိုရင် 97% ထိရှိနေပါပြီ။

ဒါကြောင့် မကြာသေးခင်ကထွက်ရှိထားတဲ့ iOS 14 မှာတော့ Apple CarPlay ကို Car Parking များ EV Charging station များရှာပေးနိုင်ခြင်းတို့လို Feature တွေနဲ့ Upgrade တွေလုပ်ထားပေးတဲ့အပြင် Digital CarKey ကိုပါထပ်မံမိတ်ဆက်ခဲ့ပါတယ်။

Apple Digital CarKey ဆိုတာကတော့ iPhone သို့မဟုတ် Apple Watch နဲ့ကားတံခါးလက်ကိုင်ကို Tap လုပ်ပြီး ကားကို Unlock လုပ်လို့ရပါတယ် iPhone ကနေကားရဲ့ Top Speed တွေ Music volume အစရှိတာတွေကိုပါ Manage လုပ်နိုင်မှာဖြစ်ပြီး ဖုန်းပျောက်သွားတယ်ဆိုရင်တောင် iCloud Account နဲ့လှမ်းပြီး iPhone ကနေ CarKey feature ကို Disable လုပ်ပစ်လို့ရပါတယ် ဖုန်အားကုန်နေတဲ့အချိန်တွေမှာတောင် ကားသော့အနေနဲ့သုံးလို့ရနေဦးမှာပါ။

ဒါကတော့ Physical Car Key တွေမှာမရနိုင်တဲ့ Unique Feature တစ်ခုလို့ပြောလို့ရပါတယ်။ ပုံမှန်ဆိုကားသော့ပျောက်ရင် ချင်းချင်းပိတ်ပစ်ဖို့ဆိုတာမလွယ်ပါဘူး ကိုယ့်ကားကိုအခြားတစ်ယောက်ကို ငှားပေးမယ်ဆိုရင်လည်း iMessage ကနေ ၅ ယောက်အထိ Share ပေးလို့ရပါတယ် ကားသော့တွေတကူးတကသွားပေးနေစရာမလိုတော့ပါဘူး။

ဒါပေမယ့်ဒီနေရာမှာတစ်ခုအရေးကြီးတာက iCloud Account ကို ဖုန်းနံပါတ်နဲ့ Two Factor Authentication ခံထားမယ်ဆိုရင် (iCloud ဝင်ထားတဲ့နောက်ထပ် iPhone/iPad တစ်လုံးလည်းမရှိဘူးဆိုရင်) SIM card ကလည်းပျောက်သွားတဲ့ဖုန်းထဲပါသွားတယ်ဆိုရင် iCloud နဲ့ CarKey ကနေ remove လုပ်ဖို့ပြသနာရှိနိုင်ပါတယ် ဒါကြောင့် TFA on ထားမယ်ဆို ဖုန်းနံပါတ်ကိုအနည်းဆုံးနှစ်ခုထည့်ထားသင့်ပါတယ်။

Digital CarKey သုံးသည်ဖြစ်စေ မသုံးသည်ဖြစ်စေ iCloud မှာဖုန်းနံပါတ်နှစ်ခုထည့်ထားဖို့အရေးကြီးပါတယ် ယခု Function ကိုတော့ Apple CarKey support လုပ်တဲ့ကားတွေမှာဘဲသုံးလို့ရမှာဖြစ်ပါတယ် BMW က CarPlay တုန်းကအစပိုင်းမှာ သူတို့ကားတွေမှာထည့်သုံးဖို့ငြင်းဆန်ခဲ့ပေမယ့် အခု CarKey မှာတော့ Apple နဲ့ပထမဆုံးလက်တွဲတဲ့ Business Partner ဖြစ်လာပါပြီ။

CarKey support လုပ်တဲ့ပထမဆုံးမော်ဒယ်ကတော့ BMW 5 series ပါ အခုချိန်မှာတော့ 5 series သာမက BMW ရဲ့2020 July နောက်ပိုင်းထုတ်လုပ်တဲ့အောက်ပါ Series တွေမှာပါသုံးလို့ရနေပါပြီ။

Series 1, 2, 3, 4, 5, 6, 8, X5, X6, X7, X5M, X6M, Z4

ထူးခြားချက်တစ်ခုကတော့ ဒီထဲမှာ BMW ရဲ့ Flagship luxury sedan ဖြစ်တဲ့ 7 series တော့မပါဝင်သေးပါဘူး။

Apple က CarPlay မှာလိုဘဲကားတိုင်းမှာသုံးနိုင်လာမယ်လို့ ဆိုတာကြောင့်အခြားကားသစ်တွေမှာလည်းမကြာခင်ပါဝင်လာမှာဖြစ်ပါတယ်။

BMW အတွက်ကတော့ Digital Key ဆိုတာ ဒါပထမဆုံးမဟုတ်ပါဘူး Samsung ဖုန်းတွေမှာ BMW Connected App ကနေ Digital Key အနေနဲ့သုံးနိုင်တာကြာပါပြီ။