ဒီတော့ ဒီ Feature ရဲ့တိုင်းတာချက်တွေကိုသာဝင်ကြည့်လိုက်မယ်ဆိုရင် တစ်နေ့တာအတွက် အချိန်တွေဘယ်လိုကုန်သွားတယ်၊ ဘယ် Social Media တွေကိုအချိန်ဘယ်လောက်အကုန်ခံပြီးသုံးနေတယ်၊ ဘယ်ဂိမ်းတွေကိုအချိန်ဘယ်လောက်အကုန်ခံပြီးဆော့နေတယ်ဆိုတာကအစ Noti ဘယ်နှစောင်ဝင်တယ်၊ ဖုန်းပိုင်ရှင်အနေနဲ့ တစ်နေ့ကို ဖုန်းဘယ်နှကြိမ်ပြောတယ်ကအစ သိရှိနိုင်ပါတယ်။
ဒါတွေကို Settings ထဲက Screen Time Page ထဲမှာ Graph နဲ့ဖော်ပြပေးထားပြီး ဒီ Feature ဟာဖုန်းပိုင်ရှင်တွေကို ဖုန်းအသုံးပြုမှုနဲ့ပတ်သက်ပြီး အထိန်းအကွပ်ရှိအောင်ထည့်သွင်းပေးထားခြင်းဖြစ်တယ်လို့ Apple ကဆိုပါတယ်။ ဒါပေမယ့် အခုလက်ရှိ iOS 12 ကိုသုံးနေတဲ့လူတော်တေ်ာများများကတော့ ဒီတိုင်းတာပေးထားတဲ့အချက်အလက်တွေကိုဝင်ကြည့်ပြီး ကိုယ့်ရဲ့တစ်နေ့တာဖုန်းအသုံးပြုမှုကိန်းဂဏန်းတွေကို ကြောက်ရွံ့နေကြပါတယ်။
လူအများစုကတော့ ဒီ Feature ဟာအချိန်ကို အလဟဿမကုန်အောင် ထိန်းသိမ်းပေးနိုင်တဲ့အတွက် အကျိုးရှိတယ်လို့ယူဆကြပြီး ဒီ Feature ကြောင့် အဓိကထိခိုက်သွားတာကတော့ ဆယ်ကျော်သက်ကလေးတွေလို့ပြောလို့ရပါတယ်။ ဒီ Feature ကိုကောင်းကောင်းအသုံးပြုတတ်တဲ့ မိဘကတော့ ကလေးကို ဖုန်းအသုံးပြုတာနဲ့ပတ်သက်ပြီး အရင်လိုပါးစပ်က တတွတ်တွတ်ပြောနေစရာမလိုပဲ ဖုန်းထဲမှာတင် Limit လုပ်ပေးထားလိုက်ရုံပါပဲ။
Screen Time Feature မှာတစ်နေ့တာအတွက် ဘယ် App တွေကိုအချိန်ဘယ်လောက်အသုံးပြုထားလဲ၊ ဖုန်းအဝင်အထွက်ဘယ်နှခါပြောထားလဲ၊ Notifications တွေဘယ် App ကနေ ဘယ်လောက်ဝင်ထားလဲဆိုတာ အချိန်အပိုင်းအခြားအလိုက် ဖော်ပြပေးထားသလို ဥပမာ တစ်နေ့လုံးနေမှ Social Media နှစ်နာရီပဲသုံးမယ်၊ Game သုံးနာရီပဲဆော့မယ် စသဖြင့် Limit ပေးထားနိုင်ပါတယ်။ သတ်မှတ်ထားတဲ့အချိန်ပြည့်ခါနီးရင်တော့ Screen Time Feature ကနေ Notification ပို့ပြီးသတိပေးမှာပဲဖြစ်ပါတယ်။
ဒီ Feature နဲ့ပတ်သက်ပြီး ဆယ်ကျော်သက်ချာတိတ်တွေအတွက် သတင်းကောင်းနဲ့ သတင်းဆိုး ရှိပါတယ်။ သတင်းကောင်းကတော့ ဒီ Screen Time Feature ကိုအသုံးမပြုချင်ရင် ပိတ်ထားဖို့အတွက် Apple က "Turn Off Screen Time" ဆိုတဲ့ Button လေးကိုထည့်သွင်းပေးထားတယ်ဆိုတော့ လူကြီးတွေအလစ်မှာပိတ်လို့ရတာပေါ့နော်။ ဒါပေမယ့် သတင်းဆိုးကတော့ Screen Time အတွက်သီးသန့် Passcode ပေးထားလို့ရတဲ့အတွက် လူကြီးတွေကသာ Passcode ပေးထားတယ်ဆိုရင်တော့ ညီလေးတို့ရေ So Sad ပါပဲလို့။
No comments:
Post a Comment