iOS 12 မှာ ပါဝင်လာတဲ့ အမိုက်စား Features ၁၂ ခု

Apple ရဲ့ Mobile Operating System major update ဖြစ်တဲ့ iOS 12 ကတော့ ယနေ့ပဲ တရားဝင်ထွက်ရှိလာပါပြီ။ iOS 12 မှာ ဘာတွေ ပြောင်းလဲသွားလဲ၊ ဘာတွေ ပိုကောင်းလာလဲဆိုတာ အချက် ၁၂ ချက်နဲ့ ဖော်ပြပေးထားပါတယ်။

၁။ Performance Improvements

iOS 12 ဟာ အသွင်အပြင်ထက် Performance ပိုင်းကို ပိုကောင်းလာအောင် ဦးစားပေးထုတ်လုပ်ထားတဲ့ iOS ဖြစ်ပါတယ်။ ဒိတ်အောက်နေပြီဖြစ်တဲ့ iPhone 5s ကနေ iPad Mini 2 အထိ Device ဟောင်းတွေမှာပါ Performance ကောင်းကောင်း သုံးနိုင်ဖို့ လုပ်ပေးထားပါတယ်။ Apple အနေနဲ့ သူ့ Device အဟောင်းတွေကိုပါ အခုအချိန်ထိ အသေအချာဂရုစိုက်သေးတယ်ဆိုတာ ပြထားတဲ့ OS လည်း ဖြစ်ပါတယ်။

Apple ရဲ့ အဆိုအရဆိုရင် iOS 12 ဟာ အရင် iOS 11 ထက် App ဖွင့်တာတွေမှာ ၄၀ ရာခိုင်နှုန်း ပိုမိုမြန်ဆန်လာပြီး၊ Camera ဖွင့်တာမှာဆို ၇၀ ရာခိုင်နှုန်းအထိ ပိုမြန်လာတယ်လို့ သိရပါတယ်။ ဒီတော့ iOS 12 ဟာ သွင်းရင်ကောင်းပါ့မလားကို စဉ်းစားနေစရာမလိုတဲ့ Software Update ဖြစ်ပါတယ်။

၂။ Grouped Notifications

သေးငယ်တဲ့ပြောင်းလဲမှုလို့ ဆိုနိုင်ပေမယ့် User တွေအတွက် အမှန်တကယ် အကျိုးရှိစေမယ့် ပြောင်းလဲမှုပါ။ App တခုကနေ Notification တွေ တခုပြီး တခု အများကြီးဝင်ပြီး၊ ဖုန်းစခရင်မှာ ပြည့်နှက်နေတာမျိုး မရှိတော့ဘဲ Notification တွေကို App တခုချင်းစီအလိုက် သပ်သပ်ရပ်ရပ် စုစည်းပြပေးထားမှာပါ။ YouTube ကနေ Notification ၁၀ ခု ဝင်နေရင် ၁၀ ခုလုံးကို စုစည်းပြပေးထားမှာဖြစ်ပြီး၊ Tap တချက်ထောက်လိုက်ရင် ၁၀ ခုလုံးကို ပြန်ကြည့်နိုင်ပါတယ်။ Notification တခုချင်းစီကို ဘေးဘက် (ဘယ်ဘက်) ဆွဲပြီးတော့လည်း App ရဲ့ Notification ပြသမှုကို Manage ထပ်လုပ်နိုင်မှာဖြစ်ပါတယ်။

Do Not Disturb option မှာလည်း ‘Bedtime’ ဆိုတဲ့ Mode တခုပါလာပြီး၊ Notification တွေကို သတ်မှတ် Night time အချိန်အတွင်း Lockscreen မှာ ပြပေးတော့မှာမဟုတ်ပါဘူး။

၃။ Screen Time

iOS 12 မှာ အသစ်ပါဝင်လာတဲ့ အကြီးမားဆုံး Feature လို့ ဆိုရမယ့် Screen Time ပါ။ Android Pie ရဲ့ Digital Wellbeing နဲ့ ဆင်တူပါတယ်။ App တခုချင်းစီမှာ ကိုယ့်အချိန်တွေ ဘယ်လောက် ကုန်နေပြီလဲဆိုတာကို Screen Time ကနေ သွားကြည့်နိုင်ပြီး၊ ဘယ် App အမျိုးအစား ( ဥပမာ – Social Networking) တွေက ကိုယ့်အချိန်ကို ဘယ်လောက် ယူထားလဲဆိုတာ အလွယ်တကူ ကြည့်နိုင်ပါတယ်။ App တခုချင်းစီကတော့ Notification တွေ ဘယ်လောက်ပို့နေတယ်ဆိုတာက အစ ကြည့်နိုင်ပြီး၊ တနေ့မှာ ဖုန်းကို ဘယ်နှစ်ကြိမ် ကောက်ကိုင်မိလဲဆိုတာကအစ သိနိုင်မှာဖြစ်ပါတယ်။

Facebook သုံးတာဖြစ်ဖြစ် ကိုယ့်ဘာသာအချိန်ကန့်သတ်ချင်တယ်ဆိုရင်လည်း တနေ့မှာတော့ ဘယ်လောက်ပဲ သုံးမယ်ဆိုပြီး Timer ပေးထားနိုင်ပါတယ်။ အချိန်ပြည့်သွားရင် သတိပေးမှာပါ။ သတိပေးရုံပဲ ဖြစ်ပြီး ဆက်သုံး၊ မသုံးကတော့ User ကိုယ်တိုင် ဆုံးဖြတ်ရမှာဖြစ်ပါတယ်။ Screen Time ဟာ ကိုယ့်စခရင်အသုံးပြုမှုဒေတာအချက်အလက်ကိုပဲ ပြပေးတာဖြစ်ပြီး၊ ကျန်တာကတော့ user အပေါ်ပဲ မူတည်မှာပါ။

၎။ Memoji and Improved Animoji

TrueDepth Camera စနစ်ပါတဲ့ iPhone X နဲ့ အခုအသစ်ထွက်လာတဲ့ iPhone Xs ၊ iPhone Xs Max၊ iPhone Xr တို့က Animoji က iOS 12 မှာ Facial Tracking လုပ်တာ ပိုတိကျလာပြီး၊ အရင်က မသိခဲ့တဲ့ လျှာထုတ်တာတွေပါ သိလာပြီဖြစ်ပါတယ်။ Mimoji ကတော့ Animoji ကိုမှ ကိုယ်နဲ့ ပိုတူအောင်၊ Personalized ဖြစ်အောင် လုပ်နိုင်မယ့် Feature အသစ်ဖြစ်ပါတယ်။ Galaxy Note 9 ရဲ့ AR Emoji နဲ့ ဆင်တူပါတယ်။ Animoji နဲ့ Memoji တို့ကို iMessage နဲ့ FaceTime တို့မှာ အသုံးပြုနိုင်ပါတယ်။

၅။ SMS Autofill

iOS 12 မှာ SMS ကနေ OTP (One-time Password) ဝင်လာတာနဲ့ Autofill လုပ်ပေးနိုင်မယ့် Feature ပါဝင်လာတာမို့ အရင်လို OTP ကို SMS ဝင်လာတာနဲ့ အလွတ်ကျက်၊ မေ့သွားရင် SMS ပြန်ကြည့် လုပ်နေစရာ မလိုတော့ပါဘူး။ Android ရဲ့ Messages မှာလည်း OTP ဝင်လာရင် တခါတည်း Copy လုပ်နိုင်တဲ့ feature ပါဝင်ပေမယ့် iOS 12 က အဆင့်တဆင့်ပိုနည်းပြီး ပိုလည်း အဆင်ပြေမယ့်ပုံပါ။

၆။ AR စွမ်းဆောင်ရည် ပိုမိုကောင်းမွန်လာမှု

iOS 12 မှာ ပါဝင်လာတဲ့ ARKit 2 ကနေ ပိုမိုအဆင့်မြင့်တဲ့ AR features တွေကို အသုံးပြုနိုင်တော့မှာပါ။ Measure App ကနေ တကယ့်အပြင်က အမှတ်နှစ်ခုရဲ့ အကွာအဝေးကို ဖုန်းနဲ့တင် တိုင်းတာနိုင်ပြီး၊ အရာဝတ္ထုပစ္စည်းတွေရဲ့ အတိုင်းအတာ (Dimensions) ကိုလည်း တိုင်းတာနိုင်မှာဖြစ်ပါတယ်။

၇။ Siri Shortcuts

Siri Shortcut ကတော့ ဖုန်းကို Customize လုပ် အသုံးပြုတတ်သူတွေ ကြိုက်နှစ်သက်မှာပါ။ Siri ကို ကိုယ်ကြိုက်တဲ့ Phrase တခုကို ကြိုပေးထားပြီး၊ အဆိုပါ Phrase ကို ပြောလိုက်တာနဲ့ ဘယ် Action တွေ လုပ်ဆိုတာ အမိန့်ပေးထားနိုင်ပါတယ်။ App Store ကနေ Shortcuts App ကို Download ရယူပြီး လည်း ကိုယ်ကြိုက်တဲ့ Shortcuts ကို ရယူအသုံးပြုနိုင်သလို၊ ကိုယ့်စိတ်ကြိုက် Shortcut တွေလည်း ဖန်တီးနိုင်ပါတယ်။ ဥပမာ “I’m headed home” လို့ ပြောလိုက်တာနဲ့ အိမ်သူသက်ထားဆီ ပြန်လာနေပြီဆိုတာကို မက်ဆေ့ပို့၊ ကိုယ့် သီချင်း Playlist ကို ဖွင့်၊ အိမ်လမ်းကြောင်းကို Maps app ကနေ ညွှန်ပြ စတာတွေကို တခါတည်း အလိုလိုလုပ်ပေးသွားမှာဖြစ်ပါတယ်။

၈။ Photos App

Photos App က Apple Music နဲ့ ဆင်တဲ့ ဒီဇိုင်းပုံစံပြောင်းသွားပြီး၊ For You ဆိုတဲ့ tab တခု ပါဝင်လာပါတယ်။ For You မှာ ကိုယ်ရိုက်ထားတဲ့ ဓာတ်ပုံတွေကို Sharing Suggestions ၊ Memories စသဖြင့် categories လေးတွေနဲ့ ပြနေမှာဖြစ်ပြီး Sharing Suggestions မှာ ပုံထဲပါတဲ့ ကိုယ့် ချစ်သူ၊ မိတ်ဆွေကို ပုံ Share လုပ်မလားဆိုတဲ့ Suggestion ပြပေးမှာပါ။ Memories ကတော့ Google Photos အတိုင်း ခရီးတခုခုထွက်တုန်းက ရိုက်ထားတဲ့ပုံတွေကို သူ့ခေါင်းစဉ်အလိုက် Memories ဆိုပြီး ပြပေးထားမှာပါ။ ကိုယ့်ဘာသာ Album လုပ်စရာလိုမှာမဟုတ်ပါဘူး။ Photos App မှာ Search ကလည်း ပို အဆင့်မြင့်လာပြီး၊ ကိုယ်ရှာချင်တဲ့အကြောင်းအရာအများအပြားကို တခါတည်း ပေါင်းရှာနိုင်ပါတယ်။ ရက်စွဲ၊ နေရာ၊ ဓာတ်ပုံမှာ ပါတဲ့ မြင်ကွင်း (ဥပမာ – sunset ) လို့ ရိုက်လိုက်တာနဲ့ Photos App က သက်ဆိုင်ရာပုံကို တန်းရှာပေးမှာ ဖြစ်ပါတယ်။

၉။ Group FaceTime

FaceTime ကနေ Grou Audio နဲ့ Video call တွေကို ၃၂ ယောက်အထိ တပြိုင်တည်း ပြောနိုင်ပြီဖြစ်ပါတယ်။

၁၀။ Multiple Face ID

Face ID မှာ အရင်လို မျက်နှာတခုတည်း မဟုတ်ဘဲ၊ နောက်ထပ် မျက်နှာတခုပါ ပေးထားလို့ရပြီ ဖြစ်ပါတယ်။

၁၁။ Automatic Software Updates

Software Updates တွေကို အလိုအလျောက် Install ပြုလုပ်ခိုင်းထားနိုင်ပါတယ်။ Settings>General>Software Update ကနေ Automatic Updates ကို ဖွင့်ပြီး အသုံးပြုနိုင်ပါတယ်။

၁၂။ Autofill Passwords via Third-part Password Manager

iCloud Keychain မဟုတ်ဘဲ 1Password နဲ့ LastPass လို Third-party Password Manager တွေကို Browsers မှာတင်မက၊ App တိုင်းလိုလိုမှာ အသုံးပြုနိုင်ပြီဖြစ်ပါတယ်။