iPhone ရှိ Siri ကိုတောင်းဆိုခြင်း

Siri ကိုပြောဆိုခြင်းသည် လုပ်ငန်းဆောင်တာလုပ်ဆောင်ရာတွင် မြန်ဆန်သော နည်းလမ်းဖြစ်သည်။ စကားစုတစ်စုကိုဘာသာပြန်ရန်၊ နှိုးစက်ချရန်၊ နေရာတစ်ခုရှာရန်၊ ရာသီဥတုအကြောင်းတင်ပြရန် အစရှိသည်တို့အတွက် Siri ကိုမေးပါ။ iPhone တွင် Siri လုပ်နိုင်သည့်အရာများကို လေ့လာခြင်း ကိုကြည့်ပါ။

အထောက်အကူပြုစက်ပစ္စည်းများတွင်၊ iPhone တွင်အသံထည့်ထားသော်လည်း သင့်တောင်းဆိုမှုရေးသားကူးယူမှုများကို Siri တိုးတက်ကောင်းမွန်စေရန် Apple သို့ပို့ပေးသည်။ ထိုအချက်အလက်သည် သင့် Apple ID ဖြင့်ဆက်စပ်ခြင်းမရှိဘဲ သတ်မှတ်ချိန်တစ်ခုအတွက်သာ သိမ်းဆည်းထားမည်ဖြစ်သည်။ တိုးတက်မှုရည်ရွယ်ချက်များအတွက် Apple နှင့်သင်၏အသံသွင်းယူမှုများကို မျှဝေရန်လည်း ရွေးချယ်နိုင်သည်။ ပိုမိုသိရှိရန် Siri နှင့် Dictation & Privacy ကိုတိုးတက်စေခြင်းဝက်ဘ်ဆိုက်ဒ်ကိုကြည့်ပါ။

တချို့တောင်းဆိုချက်များအတွက် iPhone ကို အင်တာနက်နှင့် ချိတ်ထားရမည်။ Cellular အခကြေးငွေ ကုန်ကျနိုင်သည်။

Siri စတင်စီမံခြင်း

iPhone ကိုပထမဆုံးစီမံဆောင်ရွက်စဉ်က Siri ကိုတပ်ဆင်မထားခဲ့လျှင် Settings  > Siri & Search သို့သွားကာ အောက်ပါအတိုင်းဖွင့်ပါ၊

• သင်၏အသံဖြင့် Siri ကိုခေါ်လိုပါက၊ Listen for “Hey Siri” ကို ဖွင့်ပါ။

• ခလုတ်တစ်ခုဖြင့် Siri ကိုခေါ်လိုပါက၊ Press Side Button for Siri (Face ID ပါဝင်သည့် iPhoneတစ်လုံးတွင်) သို့မဟုတ် Press Home for Siri (Home ခလုတ်ပါဝင်သည့် iPhone တစ်လုံးတွင်) ကိုဖွင့်ပါ။

Siri ၏ထပ်ဆောင်းချိန်ညှိမှုများကို ပြောင်းလဲလိုပါက iPhone တွင် Siri ချိန်ညှိမှုများကိုပြောင်းလဲခြင်း တွင်ကြည့်ပါ။

သင်၏အသံဖြင့် Siri ကိုခေါ်ပါ၊

သင်၏အသံဖြင့် Siri ကိုခေါ်သည့်အခါ Siri က အသံကျယ်ကျယ်ဖြင့်တုံ့ပြန်သည်။

1. “Hey Siri” ဟုခေါ်ပြီးနောက် Siri ကိုတစ်ခုခုမေးမြန်းပါ သို့မဟုတ် သင့်အတွက် တစ်ခုခုလုပ်ဆောင်ပေးရန် တောင်းဆိုပါ။

   ဥပမာဖြင့် “Hey Siri, what’s the weather for today?” သို့မဟုတ် “Hey Siri, set an alarm for 8 a.m” ဟု တစ်ခုခုပြောပါ

2. Siri ကိုအခြားမေးခွန်းမေးမြန်းရန် သို့မဟုတ် အခြားလုပ်ဆောင်ချက်တစ်ခု လုပ်စေရန်“Hey Siri” ကိုနောက်တစ်ကြိမ်ပြောပါ သို့မဟုတ် ကိုနှိပ်ပါ။

မှတ်စု iPhone မှ “Hey Siri” ကို ပြန်လည်တုံ့ပြန်မှုမရှိစေရန် iPhone မှောက်ချထားပါ သို့မဟုတ် Settings  > Siri & Search သို့သွားကာ Listen for “Hey Siri” ကိုပိတ်လိုက်ပါ။

အထောက်အကူပြု AirPods တပ်ထားစဉ်တွင် Siri ကိုခေါ်ရန် “Hey Siri” ဟုလည်းပြောနိုင်သည်။ AirPods သုံးစွဲသူလမ်းညွှန်ရှိ Siri စတင်စီမံခြင်းကိုကြည့်ပါ။

ခလုတ်တစ်ခုဖြင့် Siri ကိုခေါ်ခြင်း

ခလုတ်တစ်ခုနှိပ်၍ Siri ကိုခေါ်သည့်အခါ iPhone သည် အသံပိတ်မုဒ်ဝင်နေပါက Siri သည် တိတ်ဆိတ်စွာတုံ့ပြန်သည်။ အသံပိတ်မုဒ် ပိတ်ထားသည့်အခါ Siri သည် အသံပြုတုံ့ပြန်ပါသည်။ ၎င်းကို ပြောင်းလဲရန် Siri တုံ့ပြန်ပုံကို ပြောင်းလဲခြင်း ကိုကြည့်ပါ။

1. အောက်ပါတို့မှတစ်ခုကိုလုပ်ဆောင်ပါ၊

   • Face ID ပါဝင်သည့် iPhone တစ်လုံးတွင်၊ ဘေးဘက်ခလုတ်ကို ဖိနှိပ်ထားပါ။

   • Home ခလုတ်ပါဝင်သည့် iPhone တစ်လုံးတွင်၊ Home ခလုတ်ကို ထိပြီးထိန်းထားပါ။

   • EarPods၊ အလယ်ခလုတ် သို့မဟုတ် ဖုန်းခေါ်ဆိုမှုခလုတ်ကို ဖိပြီးထိန်းထားပါ။

   • CarPlay၊ အသံဖြင့်အမိန့်ပေးခလုတ်ကို ထိပြီးထိန်းထားပါ သို့မဟုတ် CarPlay Home ဖန်သားပြင်တွင် Home ခလုတ်ကို ထိ၍ထိန်းထားပါ။ (CarPlay ကို ထိန်းချုပ်ရန် Siri ကို အသုံးပြုခြင်း ကို ကြည့်ပါ။)

   • Siri Eyes Free၊ သင်၏ စတီယာရင်ဘီးပေါ်ရှိ အသံနှင့်အမိန့်ပေးခလုတ်ကို ဖိပြီးထိန်းထားပါ။

2. Siri ပေါ်လာသည့်အခါ Siri ကိုမေးခွန်းတစ်ခုမေးပါ သို့မဟုတ် သင့်အတွက် လုပ်ဆောင်မှုတစ်ခု ပြုလုပ်ပေးရန် တောင်းဆိုပါ။

   ဥပမာအားဖြင့် “What’s 18 percent of 225?” သို့မဟုတ် “Set the timer for 3 minutes” ဟုပြောပါ။

3. Siri ကိုအခြားမေးခွန်းမေးမြန်းရန် သို့မဟုတ် အခြားလုပ်ဆောင်ချက်တစ်ခု လုပ်စေရန်  ကိုနှိပ်ပါ။

အထောက်အကူပြု AirPods ကိုတစ်ချက်နှိပ်၍လည်း Siri ကို ခေါ်နိုင်သည်။ AirPods သုံးစွဲသူလမ်းညွှန်ရှိ Siri စတင်စီမံခြင်းကိုကြည့်ပါ။

သင်ပြောသည်ကို Siri ကနားလည်မှုလွဲသွားလျှင် ပြန်လည်ပြင်ဆင်နိုင်သည်

• သင်၏တောင်းဆိုမှုကို နောက်တစ်နည်းနှင့် ပြန်ပြောရန်၊  ကိုနှိပ်ပြီးနောက် သင်၏တောင်းဆိုမှုကို မတူညီသောနည်းလမ်းနှင့် ပြောပါ။

• သင်၏တောင်းဆိုမှုကို ရှင်းရှင်းလင်းလင်းပြတ်ပြတ်သားသားပြောရန်၊  ကိုနှိပ်ပြီးနောက် Siri နားမလည်သော စကားလုံးများကို ရှင်းလင်းပြတ်သားအောင် ထပ်ပြောပါ။ ဥပမာ“Call” ဟုအသံထွက်ပြောပြီးနောက် တစ်စုံတစ်ဦး၏အမည်ကို ရှင်းလင်းပြတ်သားစွာပြောပါ။

• မပို့ခင် မက်ဆေ့ချ်ကို ပြောင်းလဲရန်၊ “Change it” ဟုပြောပါ။

• သင်၏တောင်းဆိုချက်ကို စာရိုက်၍ပြုပြင်ရန်၊ သင့်တောင်းဆိုချက်ကို မျက်နှာပြင်ပေါ်တွင် တွေ့ရပါက ၎င်းကို သင်ပြုပြင်နိုင်သည်။ တောင်းဆိုချက်ကို နှိပ်ပါ၊ ထို့နောက် မျက်နှာပြင်စာရိုက်ခလုတ်ခုံကို အသုံးပြုပါ။

Siri သို့စကားပြောမည့်အစားစာရိုက်ခြင်း

1. Settings  > Accessibility > Siri သို့သွား၍ Type to Siri ကိုဖွင့်ပါ။

2. တောင်းဆိုမှုတစ်ခုပြုလုပ်ရန် Siri ကိုခေါ်၍ စာရိုက်ခလုတ်ခုံနှင့် စာရိုက်ကွက်ကို အသုံးပြုကာ Siri ကိုမေးခွန်းတစ်ခုမေးပါ သို့မဟုတ် လုပ်ဆောင်မှုတစ်ခု လုပ်စေပါ။

သင့် iPhone တွင် Siri က မျှော်မှန်းထားသလို အလုပ်မလုပ်ပါက Apple အထောက်အကူပြုဆောင်းပါးဖြစ်သည့် သင်၏ iPhone သို့မဟုတ် iPad တွင် “Hey Siri” ကအလုပ်မလုပ်ဆောင်ပါကကို ကြည့်ပါ။

သင်၏သတင်းအချက်အလက်များကို ထိန်းသိမ်းကာကွယ်ပေးရန် Siri ကို တီထွင်ထားသည်ဖြစ်၍ သင်မျှဝေလိုသည့်အရာကို ရွေးချယ်နိုင်သည်။ ပိုမိုသိရှိရန် Ask Siri၊ Dictation & Privacy ဝက်ဘ်ဆိုက်ဒ်ကိုကြည့်ပါ။