iOS 16.1 Update ထွက်လာပါပြီ

 iOS 16.1 Update ထွက်လာပါပြီ

- iPhone XR, 11, 12 mini, 13 mini တွေမှာ Battery Percentage မြင်အောင်လုပ်လို့ရပါပြီ (Settings > Battery > Battery Percentage - On)

- Battery Percentage ကလည်း အရင်ကလို Battery Icon ရဲ့ Full ပုံစံပေါ်မှာမှ Number ပြမှာမဟုတ်ပဲ လက်ကျန်ရှိသလောက်ပေါ်မှာမှ Number ပြမှာမို့လို့ ပိုအဆင်ပြေသွားပါတယ်

- Clean Energy Charging ဆိုတာပါလာပါတယ် .. မြန်မာနဲ့တော့မဆိုင်ပါဘူး .. တခြားနိုင်ငံတွေအတွက်ပါ .. အားသွင်းရင် Carbon Footprint တွေထုတ်လွှတ်မှုနည်းတဲ့နည်းပညာနဲ့သွင်းပေးမှာဖြစ်ပါတယ်

- iCloud Shared Photo Library ပါလာပါပြီ .. ကိုယ် Share ချင်တဲ့ Photos, Videos တွေကို Friends, Family တွေဆီ iCloud သုံးပြီး Share ပေးနိုင်မှာပါ

- Camera App ထဲမှာလည်း ရိုက်လိုက်တဲ့ပုံကို တစ်ခါတည်းတန်း Share ဖို့အတွက် Button လေးပါလာပါတယ် .. အမြဲတမ်းတော့မဖွင့်ထားနဲ့ပေါ့ .. မဟုတ်တာတွေရိုက်ပြီး Auto Share မိနေဦးမယ်

- Live Activities လည်းပါလာပါပြီ .. ဒါကတော့ 3rd Party App တွေကနေ Activity တွေကို Dynamic Island or Lock Screen မှာ အမြဲပြသနေတာမျိုးပါ ..​ ဥပမာ - ဘောလုံးပွဲရဲ့ Live Score တွေ, Taxi ခေါ်ထားရင် Taxi ရဲ့ Location တွေစသဖြင့်ပေါ့ .. ဒါကတော့ Developer တွေ သူတို့ App ကို Update ပေးမှရပါမယ် .. တချို့ App တွေကတော့​ရနေပါပြီ

- iPhone 14 Pro တွေမှာ Black Wallpaper သုံးထားရင် Dynamic Island ကိုသတိထားမိအောင် သူ့ပတ်လည်မှာ Outline လေးလုပ်ပေးထားပါတယ်

- Dynamic Island ဟာ Reachability နဲ့အလုပ်,လုပ်ပါပြီ

- Apple Watch မရှိပဲ iPhone မှာတင် Fitness+ ကိုသုံးလို့ရပါပြီ

- Wallet ထဲက Car Key, Hotel Key စတဲ့ အရာတွေကို တခြားလူတွေကို Share ပေးနိုင်ပါပြီ .. နောက်ပြီး Wallet App မသုံးတဲ့လူတွေအနေနဲ့လည်း Wallet App ကို Delete လုပ်လို့ရပါပြီ

- Home မှာလည်း Matter Standard ကို Support လုပ်ပါပြီ

- Delete လုပ်လိုက်တဲ့ Message ဟာ Recently Deleted ထဲမှာမပေါ်ပဲ Conversation List မှာပြန်ပေါ်နေတာကို Fix ပေးထားပါတယ်

- VPN ချိတ်ထားရင် CarPlay သုံးမရတာကို Fix ပေးထားပါတယ်

iOS 16.1 Update မှာ ဘယ်လို Feature အသစ်တွေပါလာမလဲ...?

 အောက်တိုဘာလ ၂၄ ရက်နေ့မှာ ထွက်လာမယ့် iOS 16.1 Update မှာ ဘယ်လို Feature အသစ်တွေပါလာမလဲ...?

============================

Apple ဟာ iOS 16 ကို မိတ်ဆက်ထားတာ အချိန်ရက်သတ္တပါတ်အနည်းငယ်ရှိနေပြီဖြစ်ပါတယ်။ iOS 16 ဟာ အဓိကအနေနဲ့ Lock Screen Feature လိုမျိုး လူကြိုက်များတဲ့ Feature အသစ်တွေအပြင် တခြားသော Feature အသစ်တွေအများအပြားပါဝင်ခဲ့ပါတယ်။ ဒါပေမယ့်လည်း တချို့သော Feature လေးတွေကတော့ iOS 16 နဲ့အတူ မထွက်လာဘဲ နောက်ပိုင်းမှ ရရှိလာမှာဖြစ်ပါတယ်။

အခုအချိန်မှာတော့ Apple ကနေ iOS 16.1 Update ကို လာမယ့် အောက်တိုဘာလ ၂၄ ရက်နေ့မှာ တရားဝင်ထုတ်ပေးသွားတော့မှာဖြစ်ပါတယ်။ အဆိုပါ iOS 16.1 Update မှာ iPhone သုံးတဲ့သူတွေအတွက် စိတ်ဝင်စားဖို့ကောင်းတဲ့ Feature တွေအများအပြားပါဝင်လာဦးမှာဆိုတော့ ဘယ်လို Feature အသစ်တွေပါဝင်လာမလဲဆိုတာကို ဖော်ပြပေးလိုက်ပါတယ်...။

Live Activities

------------

iOS 16.1 မှာ အဓိကပါဝင်လာမှာကတော့ Live Activities Feature ကို စတင်ပြီး Support ပေးလာတာပဲဖြစ်ပါတယ်။ ဒါကြောင့် Application တွေအနေနဲ့ Notification Update တွေကို Lock Screen မှာ အချိန်နဲ့တပြေးညီ Update ဖော်ပြပေးနိုင်မှာပါ။ ဒါက Grab ဌားတာမျိုး၊ Foodpanda မှာတာမျိုးတွေမှာ ကိုယ့်ဆီကို ဘယ်အချိန်ရောက်လာမလဲဆိုတာကို App အတွင်း ဝင်ရောက်စရာမလိုဘဲ တန်းကြည့်နိုင်တော့မှာဖြစ်ပါတယ်။

Battery Percentage Update

------------

လက်ရှိအချိန်မှာ Apple ကနေ Battery Percentage ကို Face ID ပါဝင်တဲ့ iPhone အများအပြားမှာ အသုံးပြုနိုင်ပေမယ့် တချို့သော iPhone တွေမှာတော့ အသုံးပြုနိုင်ခြင်းမရှိတော့ပါဘူး။ အခု iOS 16.1 မှာတော့ ယခင်တုန်းက မရရှိခဲ့တဲ့ IPhone XR ၊ iPhone 12 mini နဲ့ iPhone 13 mini ဖုန်းတွေမှာ Battery Percentage ကို မြင်နိုင်တော့မှာဖြစ်ပါတယ်။ ဒါ့အပြင် အသုံးပြုသူတွေဝေဖန်ခဲ့ကြတဲ့ Battery Percentage အလိုက် Battery Icon ကိုပါ ပြောင်းလဲပြီး ဖော်ပြပေးမှာဖြစ်ပါတယ်။

Apple Fitness+ with iPhone

------------

iOS 16.1 မှစတင်ပြီး Apple iPhone အသုံးပြုသူတွေအနေနဲ့ Apple Watch ရှိစရာမလိုအပ်တော့ဘဲ Apple Fitness+ ကို အသုံးပြုနိုင်ပြီဖြစ်ပါတယ်။ ဒါပေမယ့် တချို့သော Fitness လေ့ကျင့်ခန်းတွေမှာတော့ Apple Watch ကို လိုအပ်မှာဖြစ်ပါတယ်။

Clean Energy Charging

------------

iOS 16.1 မှစတင်ပြီး Apple ဟာ iPhone တွေကို အားသွင်းတဲ့အချိန်မှာ Clean Energy Charging ကိုထောက်ပံ့ပေးနေပြီဖြစ်ပါတယ်။ ဒါဟာ တကယ်လို့ ကိုယ်က ပတ်ဝန်းကျင်ကို ကာဗွန်ဒိုင်အောက်ဆိုဒ်ထုတ်လွှတ်မှုနည်းပါးတဲ့ လျှပ်စစ်ကို အသုံးပြုနေတယ်ဆိုရင် ပြောင်းလဲ အားသွင်းပေးနိုင်စေမှာပါ။

Pre-load In-app Content

------------

iOS 16.1 မှာ အသစ်ပါဝင်လာတဲ့နောက်ထပ် အသုံးဝင်တဲ့ Feature ကတော့ Pre-load In-App Content ပဲဖြစ်ပါတယ်။ ဒီ Feature က ကိုယ်ယခင်တုန်းက အသုံးပြုခဲ့ဖူးတဲ့ App ကို ဖျက်မိပြီး ပြန်လည် Download ပြုလုပ်တဲ့အချိန်မှာ ယခင်တုန်းက Data တွေကို အစက ပြန်ပြီး ဝင်ရောက်ဖို့မလိုအပ်လဲ Restore ပြုလုပ်ပေးနိုင်မှာဖြစ်ပါတယ်။

အခုလိုမျိုး Feature အသစ်တွေအပြင် iOS 16.1 ဟာ လက်ရှိ iOS 16 အသုံးပြုသူတွေ ကြုံတွေ့နေရတဲ့ Error တွေ၊ Bug တွေကိုလည်း ပြင်ဆင်ထားမယ်လို့ ယူဆရပါတယ်။ ဒါကြောင့် လာမယ့် အောက်တိုဘာလ ၂၄ ရက်နေ့ကြရင် Update ပြုလုပ်ဖို့ အခုထဲက ပြင်ဆင်ထားနိုင်ပါပြီနော်...။

iOS 16 မှာ အသုံးပြုသင့်တဲ့ အကောင်းဆုံး Feature (5) ခု

 iOS 16 မှာ အသုံးပြုသင့်တဲ့ အကောင်းဆုံး Feature (5) ခု

iOS 16 က ထွက်ထားတာလည်း ကြာပြီဖြစ်တဲ့အပြင် Bugs တွေလည်း မရှိသလောက်နည်းနေပြီဖြစ်လို့ Feature တွေကို စိတ်ချလက်ချအသုံးပြုနိုင်ပါပြီ။

ဒါ့ကြောင့် iOS 16 မှာ ပေါ့ပေါ့ပါးပါးနဲ့ အသုံးပြုသင့်တဲ့ Feature (5) ခုအကြောင်းကိုဖော်ပြပေးလိုက်ပါတယ်။

1. Hidden Album and Recently Deleted Lock

iOS 16 ရဲ့အရမ်းမိုက်တဲ့ Feature လို့ပြောရမယ့် ကိုယ့်ရဲ့ ဖွက်ထားတဲ့ ဓာတ်ပုံလေးတွေရယ် Recent ထဲ ရောက်နေတဲ့ ပုံလေးတွေကို Lock လုပ်နိုင်တဲ့ Feature ကိုလည်း စမ်းသုံးသင့်ပါတယ်နော်။

2. Wifi Password

iOS 16 မှာ ချိတ်ထားဖူးတဲ့ Wifi Password တွေကို ပြန်ကြည့်လို့ရနိုင်တာကလည်း အရမ်းကို အသုံးဝင်လို့ စမ်းကြည့်ကြည့်သင့်ပါတယ်။

3. Message လေးတွေကို Edit လုပ်နိုင်မယ့် Feature

iMessage အသုံးပြုသူတွေအနေနဲ့ မှားပို့မိတဲ့ Message လေးတွေကို ပြန် Edit လုပ်လို့ရနိုင်တဲ့ Feature ကို အသုံးပြုချင်တယ်ဆိုရင်တော့ ပို့ထားတဲ့ စာလေးကို ဖိထားပြီး Edit ပြန်လုပ်နိုင်ပါတယ်။

4. Video ထဲက စာတွေကို ယူနိုင်မယ့် Live Text

iOS 16 မှာ Video ထဲကပါလာတဲ့ စာတွေကိုပါ ယူနိုင်ပြီဖြစ်လို့ ကိုယ်ကြည့်နေတဲ့ Video ထဲမှာ မှတ်စရာလေးပါလာရင် Video ကိုရပ်ထားပြီး စာလေးတွေကိုမှတ်ထားလို့ရနိုင်ပါတယ်။

5. Lock Screen and Wallpaper

Lock Screen Feature တွေကတော့ iOS 16 မှာ အရမ်းရေပန်းစားတဲ့ Feature တစ်ခုဖြစ်တဲ့အပြင် Depth Effect, Emoji Wallpaper, Focus Mode စတာတွေနဲ့ ပေါင်းစပ် ဖန်တီးလို့ရနိုင်ပါသေးတယ်။

ဒီ Feature တွေကတော့ iOS 16 မှာ ပေါ့ပေါ့ပါးပါးနဲ့ အကောင်းဆုံး Feature တွေပဲဖြစ်လို့ မစမ်းကြည့်ရသေးရင် အခုပဲ စမ်းကြည့်ကြည့်ဖို့ အကြံပေးလိုက်ပါရစေ။

PARTS AND SERVICE HISTORY

 

iOS 15.2 နဲ့အထက် iPhone တစ်လုံးမှာ
ဘယ်အစိတ်အပိုင်းတွေ လဲထားလဲဆိုတာကို
Settings ထဲမှာပဲ အလွယ်တကူ စစ်လို့ရနေပြီနော်

အဲ့ဒီ iPhone လေးရဲ့ Settings > General > About ထဲကို ဝင်လိုက်တဲ့အခါ
Serial Number ရဲ့ အောက်နားမှာ

PARTS AND SERVICE HISTORY … ဆိုတာလေး ပေါ်နေရင်
အဲ့ဒီ iPhone လေးက အစိတ်အပိုင်းတခုခု လဲထားတာပဲ ဖြစ်ပါတယ်

နောက်ပြီး အဲ့ဒီ လဲထားတဲ့ Battery, Display နဲ့ Camera တခုခုက
Apple အသိအမှတ်ပြု အစိတ်အပိုင်း ဟုတ်မဟုတ်ဆိုတာကိုလည်း စစ်လို့ရပါသေးတယ်

စစ်လို့ရနိုင်တဲ့ iPhone Model လေးတွေကတော့…

 Battery Replacement History
14 Series, 13 Series, 12 Series, 11 Series, X Series, SE2 & SE3

 Display Replacement History
14 Series, 13 Series, 12 Series, 11 Series, SE2 & SE3

 Camera Replacement History
14 Series, 13 Series & 12 Series တွေပဲ ဖြစ်ပါတယ်

လဲထားတဲ့ အစိတ်အပိုင်းက…

Apple အသိအမှတ်ပြု ဖြစ်မယ်ဆိုရင်တော့
PARTS AND SERVICE HISTORY ရဲ့ဘေးမှာ
 Genuine Apple Part လို့ပေါ်နေမှာ ဖြစ်ပြီး

Apple အသိအမှတ်ပြု မဟုတ်တာ၊ တခြား iPhone မှာ သုံးထားဖူးတာနဲ့
သင့် iPhone Model အတွက်မဟုတ်တဲ့ အစိတ်အပိုင်းဖြစ်နေမယ်ဆိုရင်တော့
PARTS AND SERVICE HISTORY ရဲ့ ဘေးမှာ
 Unknown Part လို့ ပေါ်နေမှာပဲ ဖြစ်ပါတယ်

အကယ်၍ အဲ့ဒီ iPhone ရဲ့ အစိတ်အပိုင်းတခုကို တကြိမ်ထက်ပိုပြီး လဲထားတယ်ဆိုရင်လည်း
နောက်ဆုံးလဲထားတဲ့ မှတ်တမ်းကိုပဲ ပြသပေးနေမှာဖြစ်ပါတယ်

နောက်ပြီး iPhone တစ်လုံးကို အစိတ်အပိုင်းတခုခုလဲရင်း
Logic Board ပါလဲလိုက်ရပြီဆိုရင်
အဲ့ဒီ iPhone ရဲ့ Region နဲ့ Serial Number တွေ
ပြောင်းသွားတာမျိုးလည်း ဖြစ်တတ်ပါသေးတယ်

Assistive Touch Error

ပိုကောင်းချင်လို့

iOS 16 Update တင်လိုက်ကာမှ

ပုံမှန်သုံးနေကျ Assistive Touch လေးက

ဘယ်လိုရွှေ့ရွှေ့ မလှုပ်တော့လို့ စိုးရိမ်နေရပြီလား ?

ဒီ Assistive Touch Error လေးကတော့

iOS 16 မှာ ကြုံရတတ်တဲ့ Error လေး တစ်ခုဖြစ်ပြီး

Apple အနေနဲ့ ဒီ Error လေးကို

iOS 16.1 Update မှာ Fix လုပ်ပေးသွားမှာဖြစ်လို့

တအားကြီး စိုးရိမ်နေဖို့ မလိုပါဘူးနော်

iOS 16.1 Update ထွက်မလာသေးခင်အချိန်မှာ

ဒီ Error လေးနဲ့ ကြုံလာတဲ့အခါတိုင်း

Settings > Accessibility > Touch ထဲကို ဝင်ပြီး

အဲ့ဒီထဲက Assistive Touch ဆိုတာလေးကို

Off လုပ်ပြီး ပြန် On ပေးတဲ့ နည်းလမ်းလေးနဲ့ ဖြေရှင်းထားလို့ ရပါတယ်

 

Prevent Lock to End Call

 

Prevent Lock to End Call

===================

ပန်းသီး User များ ကြုံဘူးမယ် ထင်ပါတယ်၊

အရေးတကြီးဖုန်းခေါ်ဆိုမှုများ၊ ခက်ခက်ခဲခဲ ခေါ်ဆိုရသော ဖုန်းများ၊ ချစ်ရသူနဲ့ တီးတိုးဖုန်းပြောနေချိန် ဖုန်းခေါ်ဆိုမှုများ FaceTime ခေါ်ဆိုမှုများ မပြီးဆုံးခင်မှာ မတော်တဆ အိုင်ဖုန်းရဲ့ Side Button ကို ဖိမိ၍လည်းကောင်း၊ ဖုန်းမျက်နှာပြင်ပေါ်မှာ AssistiveTouch ကြောင့်လည်းကောင်း ဖုန်းခေါ်ဆိုမှုကို စောလျင်စွာ ပြတ်တောက်စေပါတယ်၊ ဒါကလည်း အိုင်ဖုန်းရဲ့ သဘောတရားကြောင့်ပါဘဲ၊ ဖုန်းရဲ့ LockScreen ပိတ်သလို ဖြစ်စေတဲ့အရာမှန်သမျှ ခေါ်ဆိုနေသောဖုန်းကို ချက်ချင်း ပြတ်တောက်စေပါတယ်။

ဟုတ် အဲ မတော်တဆမှုတွေကြောင့် ဖုန်းခေါ်ဆိုမှုပြတ်တောက်ခြင်းများကို ကာကွယ်တဲ့ နည်းလမ်းလေးတစ်ခု iOS ၁၆ မှာ ပါဝင်လာပါတယ်၊ အိုက်အိုအက်စ် Default အရ အဲ setting ကို OFF ပြုထားပါတယ်၊ အသုံးလိုသူများ အိုင်ဖုန်းရဲ့ Settings > Accessibility > Touch ကို သွားပြီး “Prevent Lock to End Call” ကို အမြဲ ဖွင့်ပေးထားလိုက်ပါ၊ အမြဲ ON ထားဘို့လည်း တိုက်တွန်းချင်ပါတယ်၊

ခုဆိုရင် မတော်တဆပြတ်တောက်မှုများ ကင်း၍ “End Call” ကို ဖိနှိပ်မှသာ ခေါ်ဆိုမှုများ ဖုန်းဝင်မှုများ အဆုံးသတ်ပါတော့မယ်၊ ဒီ ကာကွယ်မှုတွေဟာ Messenger, Signal, Google Voice, WhatsApp စတဲ့ တခြား App အသုံးပြု ခေါ်ဆိုမှုများကိုလည်း အတူတူ သက်ရောက်ပါတယ်။

ios 16 မှာ Wi-Fi Password အလွယ်ကြည့်လို့ရပြီ

 ကိုယ်ချိတ်ထားတဲ့ Wi-Fi Password ကို iOS 16 မှာ အလွယ်ကြည့်လို့ရပြီ

=============

iPhone တွေမှာ ယခင် iOS Version တွေတုန်းက ကိုယ်ချိတ်ထားတဲ့ Wi-Fi Password ကို သိနိုင်ဖို့အတွက် Siri Shortcut ကနေ QR Code လိုမျိုးပြန်ထုတ်ပြီးမှ တခြားသူကို Share ပေးရတာမျိုး၊ ဒါမှမဟုတ် Contact ထဲမှာ Apple ID ဖွင့်ထားတဲ့ Mail သို့မဟုတ် ဖုန်းနံပါတ်ထည့်သွင်းထားပြီး Share ပေးတာမျိုးပဲ ပြုလုပ်နိုင်ခဲ့တာဖြစ်ပါတယ်။ ဒါပေမယ့် iOS 16 မှာတော့ အခုလိုမျိုး အဆင့်တွေလုပ်စရာမလိုတော့ပါဘူး။

ဘာကြောင့်လဲဆိုရင် iOS 16 တင်ထားပြီးတာနဲ့ ကိုယ်ချိတ်ထားတဲ့ Wi-Fi Password ကို အလွယ်တကူကြည့်နိုင်ပြီဖြစ်ပါတယ်။ အခုလိုမျိုး ကိုယ့် Wi-Fi Password ကို ပြန်ကြည့်ချင်တယ်ဆိုရင်တော့ Settings - Wi-Fi ထဲကို ဝင်ရောက်ပါ။ ပြီးရင် ချိတ်ဆက်ထားတဲ့ Wi-Fi Network ကို နှိပ်ပြီး Password ကို နှိပ်လိုက်ရုံပဲဖြစ်ပါတယ်။ တစ်ခုရှိတာကတော့ လုံခြုံရေးအတွက် ကိုယ့်ဖုန်းမှာ ထည့်သွင်းထားတဲ့ Face ID သို့မဟုတ် Password ကို တောင်းမှာဖြစ်ပြီး ထည့်သွင်း Scan ပြုလုပ်ပြီးမှသာ Wi-Fi Password ကို မြင်တွေ့ရမှာဖြစ်ပါတယ်။

အလွယ်တကူ Copy ပြုလုပ်လို့ရပြီဖြစ်တာကြောင့် ကိုယ့် Wi-Fi Password ကို Share ပေးချင်တယ်ဆိုရင် အခုနည်းလမ်းလေးက အရမ်းအသုံးဝင်ပါတယ်နော်...။

iPhone 14 Emergency SOS Via Satellite

 

Emergency SOS Via Satellite

======================

အိုင်ဖုန်း ၁၄ မျိုးဆက်တွေမှာ နောက်ထပ်ပါဝင်လာမဲ့ Safety Feature တစ်ခုကတော့ ဂြိုလ်ထုဆက်သွယ်ရေးကို အသုံးပြုပြီး အရေးပေါ်ဌာနတွေကို စာပို့ဆက်သွယ်၍ အကူအညီရယူခြင်းပါဘဲ၊ ဝေးလန်ခေါင်ပါးပြီး ဝိုင်ဖိုင် ဆယ်လူလာ အဆက်အသွယ်ပြတ်တောက်သော အရပ်ဒေသတွေမှာ မျက်စိလယ် လမ်းမှားနေပါက အလွန်အသုံးဝင်လှပါတယ်။

ဂြိုလ်ထုတွေဟာ ကမ္ဘာမြေမှ မိုင်ပေါင်းများစွာ အကွာအဝေးမှာ အလွန်မြန်ဆန်သောနှုန်းနဲ့ သူ့လမ်းကြောင်းအတိုင်း သွားလာနေတာပါ၊ ဆက်သွယ်ရတဲ့ Bandwidth ကလည်း အလွန်းတရာမှနိမ့်လှပါတယ်၊ ဒါကြောင့် စာတိုလေးပို့တာတောင် စက္ကန့် မိနစ်များစွာ အချိန်ယူလှပါတယ်၊ နောက် ကောင်းသောအဆက်အသွယ်မိဘို့လည်း တောင်တန်းတွေ သစ်ရွက်ထူထပ် သစ်ပင်များကင်းရာ လွင်ပြင်ကျယ်ကျယ် ကောင်းကင်ကြည်ကြည်ဆို ပို အဆင်ပြေပါလိမ့်မယ်၊ ဒီလို ဂြိုလ်ထုဆက်သွယ်ရေး အခက်အခဲများကြောင့် အရေးပေါ်အချိန် မလိုလားအပ်သော စာရှည်ရှည်များကို ရှောင်ရှားစေဘို့ ပန်းသီးဟာ အဓိကလိုအပ်တဲ့ မေးခွန်းတိုများ အရင်မေးပါ့မယ်၊ ဖုန်းမျက်နှာပြင်မှာ Tap လုပ်ပြီးဖြေသွားရုံပါဘဲ၊ ဘယ်လိုအရေးပေါ်မျိုးလဲ၊ ထိခိုက်သူရှိလား၊ စားစရာသောက်ရေ ဘယ်လောက်ကျန်သေးလဲ စသဖြင့်ပေါ့၊ အဖြေအားလုံးကို ပန်းသီးဟာ နည်းပညာတစ်ခုနဲ့ ဖိုင်ဆိုဒ်ကို သုံးဆလောက် ချုံ့ပြီး ဂြိုလ်ထုဆက်သွယ်ရေးကို ပိုမြန်အောင် ပြုပါတယ်၊

နောက်တဆင့်က ဂြိုလ်ထုဆက်သွယ်မှု ပြုလုပ်ခြင်းပါ၊ ပြင်ပ အင်တင်နာမပါဘဲ မလိုဘဲ၊ အိုင်ဖုန်း hardware နဲ့ software အထူးပေါင်းစပ်ထားတဲ့ ပန်းသီးရဲ့ နည်းပညာအသစ်ပါဘဲ၊ သုံးစွဲသူအတွက်လည်း အလွန်မှ လွယ်ကူလှပါတယ် အိုင်ဖုန်းမျက်နှာပြင်မှာ ဘယ်နေရာကို ဦးတည်ပြီး ဆက်သွယ်မှုရှာရမယ်ဆိုတာ ပြထားပါ့မယ်၊ ဂြိုလ်ထုဆက်သွယ်မှု ရဘီဆိုတာနဲ့ ခုနဲ့က မေးခွန်း အဖြေများ၊ မိမိရဲ့ တည်နေရာ၊ ဖုန်းမှာရှိတဲ့ Medical ID၊ ဖုန်းဘက်ထရီလက်ကျန် စတဲ့ သတင်းအချက်အလက်တွေကို ဂြိုလ်ထုက တဆင့် မြေပြင် အရေးပေါ်အကူအညီပေးတဲ့ ဌာနတွေကို ပို့ပေးပါ့မယ်၊ မြေပြင်နဲ့ အဆက်အသွယ်ရပါက စာတိုပြန်စာရရှိပြီး စိတ်အေးချမ်းစွာ ရောက်နေတဲ့နေရာမှ အဝေးမရွေ့ဘဲ အကူအညီကို စောင့်နေဘို့ပါဘဲ၊ မြေပြင် အရေးပေါ်အကူအညီဌာနတွေကလည်း တချို့က ဂြိုလ်ထုပေးပို့စာကို လက်ခံနိုင်တဲ့ စက်တွေရှိသလို တချို့နေရာတွေမှာ မရှိနိုင်ပါ၊ အဲလိုနေရာဒေသတွေအတွက် ပန်းသီးဟာ Emergency Relay Centers များကို တကယ့်ပန်းသီးမှ ပညာရှင်များနဲ့ ပေါင်းစပ်ပြီး Set up လုပ်ထားပါ့မယ်၊ ဒုက္ခရောက်နေသူများ ကိုယ်စား အရေးပေါ်အကူအညီများ အမြန်ဆောင်ရွက်နိုင်ရန် ကူညီပေးပါ့မယ်။ အစိုးရအဖွဲ့အစည်းများ လူမှု့ရေးအဖွဲ့အစည်းများ ပန်းသီးနဲ့အတူ ပူပေါင်းပါဝင်ခြင်းပါဘဲ၊

ဂြိုလ်ထုအဆက်အသွယ်နဲ့ နောက်တစ်ခု အိုင်ဖုန်းမှာ ပြုလုပ်နိုင်တာက Find My App ကို ဖွင့်ပြီး မိမိရဲ့ တည်နေရာကို မိမိ မိသားစု သူငယ်ချင်းထံသို့ Share လုပ်နိုင်ခြင်းပါ၊ မိသားစု မိတ်ဆွေများကလည်း မြေပြင် အရေးပေါ်အဖွဲ့အစည်းတွေနဲ့ လိုအပ်သလို ပူပေါင်းပါဝင်လို့ ရနိုင်ပါတယ်၊

ဟုတ် အစိုးရ လူမှု့အဖွဲ့အစည်းတို့နဲ့ ပူးပေါင်းဆောင်ရွက်ရသဖြင့် လွယ်သောအလုပ်တော့ မဟုတ်ပါလေ၊ အစ ကနဦးအဖြစ် အမေရိကားနဲ့ ကနေဒါ တိုင်းပြည်မှာဘဲ နိုဝင်ဘာလမှ စတင်၍ အသုံးပြုနိုင်ပါ့မယ်၊ ကျန်တဲ့ တိုင်းပြည်များကို တဆင့်ချင်း တိုးချဲ့သွားဘို့တော့ ရှိပါတယ်၊ လုပ်ဆောင်ခကတော့ အိုင်ဖုန်း ၁၄ မျိုးဆက်ပိုင်ဆိုင်သူများ ပထမ နှစ်နှစ်ကတော့ အခမဲ့ပါ၊ နှစ်နှစ်ပြီးပါက ဘယ်လောက်နှုန်းထားဆိုတာတော့ ပန်းသီးက ထုတ်ပြန်ထားခြင်း မရှိသေးပါဘူး၊ နောက် အိုင်ဖုန်းမှာ အဲလုပ်ဆောင်ချက်ကို ဘယ်လိုအသုံးပြုရမယ်ဆိုတာလည်း အသေးစိတ် မသိရသေးပါဘူး၊ အချိန်အတိုင်းတာတစ်ခုတော့ စောင့်ရဦးမယ် ထင်ပါတယ်၊ နောက်ဆက်တွဲ သိရှိပါက အသေးစိတ် အသုံးပြုပုံ အဆင့်ဆင့် ထပ်ရေးပါဦးမယ်။

iPhone 14 no Sim Card Tray in US

 

မြန်မာပြည်က iPhone ချစ်သူများ…

US ကနေ iPhone 14 Series တွေ လုံးဝ မဝယ်သင့်ပါဘူး

US မှာရောင်းမယ့် iPhone 14 တွေမှာ SIM card ထည့်ဖို့ အပေါက် မပါတော့ပါဘူး။

E-Sim only ပါ။

E-Sim ကိုရိုးရိုးလေး ရှင်းပြရင် embedded SIM card ဆိုတဲ့အတိုင်း digital SIM card ဖြစ်ပါတယ်။

မြန်မာပြည်မှာ e-sim ရတာ Mytel ဘဲရှိပြီး ရှောင်ရမယ့် Company ပါ။

ဒါကြောင့် US ကနေ iPhone မှာရင် Sim Card သုံးလို့ရမှာမဟုတ်ပဲ WiFi နဲ့ပဲသုံးလို့ရတော့မှာပါ

US ကနေ Pre-order ကောက်ပေးနေတဲ့ သူတွေရော မှာနေတဲ့ သူတွေရော မသိရင် ဝယ်ပြီး အလှကြည့်ရမှာပါ။

ဝယ်မယ်ဆို Sim Card Slot ပါတဲ့ အခြားနိုင်ငံတွေကနေ ဝယ်ယူကြပါ

iOS16 Available September 12

 ios 16လဲofficialလာတော့မာဆိုတော့တင်လို့ရမယ့်iphone model listတင်ပေးလိုက်တယ်နော်အဆင်ပြေကျပါစေဗျာ

iOS 16

 iOS 16 က September 12 ရက်နေ့ထွက်ပါမယ်

iPadOS 16 နဲ့ macOS Ventura က October မှထွက်ပါမယ် .. ဖြစ်နိုင်တာက October မှာ iPad နဲ့ Mac အသစ်တွေကိုထုတ်ပြမယ့် Event တစ်ခုလုပ်ပြီးမှ Software Update တွေပေးမယ့်ပုံပါပဲ

ဘာပဲဖြစ်ဖြစ် iPhone 14 Series မဝယ်နိုင်တဲ့လူတွေအနေနဲ့တော့ လာမယ့်တနင်္လာနေ့မှာ Admin နဲ့အတူတူ iOS 16 တင်ဖို့အားခဲထားကြပါ ရဲဘော်တို့ (တနင်္လာနေ့ည ၁၁ ခွဲနောက်ပိုင်းမှထွက်ဖို့များပါတယ်)

2022-9 Apple Event

 

iPhone 14 Pro အပြင် Apple Event မှာ ဘာတွေမိတ်ဆက်သွားသလဲ...

==========================

နှစ်စဥ်ပြုလုပ်နေကြ Apple Event ကတော့ ယခုနှစ်မှာလည်း ကျင်းပပြီးသွားခဲ့ပြီဖြစ်သလို iPhone 14 Series အသစ်တွေကိုလည်း တရားဝင်မိတ်ဆက်လိုက်ပြီဖြစ်ပါတယ်။ Apple Event ကို မကြည့်ဖြစ်လိုက်တဲ့သူတွေအတွက် Apple ကနေ iPhone 14 အပြင် ဘာတွေ မိတ်ဆက်သွားသလဲဆိုတာကို ပြန်လည်ဖော်ပြပေးလိုက်ပါတယ်။

iPhone 14 Series

—----------------

Apple ကနေ ယခုနှစ်မှာ သတင်းတွေထွက်ရှိထားသလို mini iPhone မထုတ်တော့ဘဲ iPhone 14 ၊ iPhone 14 Plus ၊ iPhone 14 Pro နဲ့ iPhone 14 Pro Max ဆိုပြီး ၄ မျိုး မိတ်ဆက်ခဲ့ပါတယ်။ iPhone 14 Series မှာဆိုရင် အရေးပေါ်အခြေအနေတွေမှာ ဂြိုလ်တုနဲ့ ချိတ်ဆက်ပြီး Emergency SOS Feature သုံးနိုင်ဖို့ Satellite Connectivity Feature ပါလာမှာဖြစ်ပါတယ်။ လောလောဆယ်မှာတော့ အဆိုပါ Feature ကို iPhone 14 ဖုန်းတွေမှာ ၂ နှစ်အခမဲ့သုံးနိုင်မှာဖြစ်ပြီး လာမယ့် နိုဝင်ဘာလမှာ US နဲ့ Canada နိုင်ငံတွေမှာ အရင်ဆုံး သုံးနိုင်မှာပါ။ Apple ဟာ US နိုင်ငံအတွင်းမှာ ရောင်းချတဲ့ iPhone 14 ဖုန်းတွေအကုန်လုံးကို Physical SIM Card Slot ထည့်သွင်းပေးတော့မှာမဟုတ်ဘဲ eSIM Only ပဲ ရောင်းချသွားမှာဖြစ်ပါတယ်။

iPhone 14 & iPhone 14 Plus

—----------------

iPhone 14 နဲ့ iPhone 14 Plus ဟာ Screen Size 6.1” နဲ့ 6.7” အပြင် Battery Life ပဲ ကွာခြားသွားမှာဖြစ်ပြီး ကျန်တဲ့ Design ပိုင်းနဲ့ Specification ပိုင်းတွေအတူတူပဲဖြစ်ပါတယ်။ မနှစ်တုန်းက iPhone 13 Design နဲ့ အပြင်ပန်းတူညီပြီးတော့ Chipset ကိုလည်း A15 Bionic Chip ကိုပဲ အသုံးပြုထားမှာဖြစ်ပါတယ်။ ဒါပေမယ့်လည်း 6-Core CPU အမျိုးအစားဖြစ်သွားတာကြောင့် စွမ်းဆောင်ရည်ပိုမိုမြင့်မားမှာပါ။ iPhone 14 Plus ဖုန်းဟာ လက်ရှိ iPhone တွေအားလုံးထဲမှာ Battery ကြာရှည်အခံဆုံးဖုန်းဖြစ်လာမယ်လို့လည်း Apple ကနေ ပြောကြားခဲ့ပါသေးတယ်။

Display အနေနဲ့ အမြင့်ဆုံး 1200nits Brightness ကို ထောက်ပံ့ပေးနိုင်တဲ့ Apple Custom OLED Super Retina Display XDR ကို အသုံးပြုထားပြီး Dolby Vision ကိုပါ ထောက်ပံ့ထားမှာဖြစ်ပါတယ်။ Camera ကိုလည်း အဆင့်မြှင့်တင်ထားပြီး 12MP Main Camera ကို Sensor အသစ်ထည့်သွင်းထားတာကြောင့် Low Light ပိုင်းမှာ ၄၉ ရာခိုင်နှုန်းပိုကောင်းမွန်မှာဖြစ်ပါတယ်။ အရှေ့ဘက် TrueDepth Camera ကိုလည်း 12MP Aperture f1.9 Sensor ကို ပြောင်းလဲအသုံးပြုထားပြီး ယခင်ထက် Low Light ပိုင်းမှာ ၃၈ ရာခိုင်နှုန်း ပိုကောင်းမွန်မှာပါ။ Autofocus ကိုလည်းထောက်ပံ့ထားတဲ့အတွက် Selfie ပုံတွေ ယခင်ထက် ပိုပြီး ပြတ်သားနေမှာဖြစ်ပါတယ်။ Video ပိုင်းမှာလည်း လှုပ်ရှားမှုတွေကို တည်ငြိမ်စွာရိုက်ကူးနိုင်မယ့် Action Mode Feature အသစ်ပါဝင်လာပါတယ်။

iPhone 14 Pro | iPhone 14 Pro Max

—----------------

iPhone 14 Pro နဲ့ 14 Pro Max ဖုန်းတွေက ယခင်အတိုင်း 6.1” နဲ့ 6.7” Screen Size နဲ့ပဲ ထွက်ရှိထားပေမယ့် အဆင့်မြှင့်တင်မှုတွေအများအပြားပါဝင်မှာဖြစ်ပါတယ်။

Design ပိုင်းအရလည်း FaceID အတွက် Notch အစား Dynamic Island လို့ ခေါ်ဆိုတဲ့ Display Cutout ကိုမှ အသုံးပြုတဲ့ Application ၊ Notification တွေအပေါ်လိုက်ပြီး ပြောင်းလဲအသုံးပြုနိုင်မယ့် Feature အသစ်ကို ထည့်သွင်းပေးခဲ့ပါတယ်။ အဆိုပါ Dynamic Island က iPhone 14 Pro ဖုန်းတွေမှာပဲ အသုံးပြုနိုင်မှာဖြစ်တဲ့အပြင် တခြားသော iPhone တွေနဲ့ ယှဥ်ရင် ကွဲထွက်နေမှာပါ။

Display ပိုင်းကိုလည်း အဆင့်မြှင့်တင်ထားပြီး ဘေးဘောင်တွေပိုပါးလွှာသွားသလို ပုံမှန်အသုံးပြုမှုတွေမှာ 1600nits Brightness နဲ့ Outdoor Mode အနေနဲ့ 2000nits အထိ ထောက်ပံ့ပေးနိုင်မှာဖြစ်ပါတယ်။ 120Hz ProMotion ကိုလည်း ဆက်လက်အသုံးပြုနိုင်မှာဖြစ်သလို iPhone 14 Pro ဖုန်းတွေမှာ လူအများမျှော်လင့်နေတဲ့ Always-on Display Feature လည်းပါဝင်လာပါပြီ။

Performance ပိုင်းမှာလည်း A16 Bionic Chip အသစ်ကို အသုံးပြုထားပြီး လက်ရှိစမတ်ဖုန်းတွေထဲမှာ အမြန်ဆုံးလို့ ပြောထားတယ်။ Specification အရလည်း 6-Core CPU ၊ Memory Bandwidth ကို ၅၀ ရာခိုင်နှုန်း တိုးထားတဲ့ 5-Core GPU ၊ 16-Core Neural Engine နဲ့ Display Engine အသစ်တွေထည့်ထားတာဆိုတော့ စွမ်းဆောင်ရည်ပိုင်းမှာတော့ အကောင်းဆုံးဖြစ်နေမှာသေချာပါတယ်။

Camera ပိုင်းမှာလည်း လုံးဝ Main Camera ကို 48MP Quad Pixels Sensor အသစ်ကို အဆင့်မြှင့်တင်ထားတယ်။ အခု 48MP Sensor က Pixel-binned နည်းပညာနဲ့ အရင် iPhone 13 Pro ထက် Low Light ပိုင်းမှာ ၂ ဆပိုကောင်းပြီး Dynamic Range လည်းပိုသာတဲ့ ဓါတ်ပုံတွေကို ထုတ်ပေးနိုင်တယ်။ ပြီးတော့ Sensor ကို Crop ထားပြီး 2x Telephoto Mode ရိုက်လို့ရမယ်။ 48MP ProRAW ဓါတ်ပုံတွေကိုလည်း ထုတ်ပေးနိုင်တယ်ဆိုတော့ ပြန် Edit မယ့်သူတွေအတွက် အကြိုက်ဖြစ်သွားပြီ။ ကျန်တဲ့ 12MP Ultra Wide Camera ကိုလည်း Sensor အဆင့်မြှင့်ထားပြီး အရင်ထက် Low Light ပိုင်းမှာ ၃ ဆပိုသာသွားသလို Macro Mode တွေလည်း ပိုပြီး အရည်အသွေးကောင်းလာမှာပါ။ Video ပိုင်းမှာဆိုရင်လည်း အခုနက Action Mode အပြင် Cinematic Mode ကိုပါ 4K 30fps သို့မဟုတ် 4K 24fps နဲ့ ရိုက်လို့ရသွားပါပြီ။

New AirPods Pro

—----------------

AirPods Pro ကိုလည်း Apple ကနေ အသစ်ထပ်မံမိတ်ဆက်သွားခဲ့ပြီး Design ပိုင်းမှာတော့ ယခင် AirPods Pro နဲ့ ကွာခြားခြင်းသိပ်မရှိပေမယ့် အဆင့်မြှင့်တင်မှုတွေအများအပြားပါဝင်ခဲ့ပါတယ်။

အရင်ဆုံးအနေနဲ့ New AirPods Pro ဟာ Audio Driver အသစ်နဲ့ Amplifier အသစ်တွေကို ပြောင်းလဲအသုံးပြုထားပြီး ယခင်ထက် ပိုပြီး Details ကောင်းမွန်ပြီး ကြည်လင်ပြတ်သားတဲ့ အသံထွက်ကို ခံစားနိုင်မယ်လို့ သိရပါတယ်။ Spatial Audio ကိုလည်း အဆင့်မြှင့်တင်ထားပြီး iPhone Camera ဖြင့် ကိုယ့်နားပုံစံကို ဓါတ်ပုံရိုက်ပြီး သီးသန့် Personalized ပြုလုပ်နိုင်ဦးမှာလည်းဖြစ်ပါတယ်။

AirPods Pro အသစ်ဟာ H2 Chip အသစ်ကို အသုံးပြုထားပြီး Active Noise Cancellation (ANC) ပိုင်းမှာ ယခင် AirPods Pro ထက် ၂ ဆပိုမိုစွမ်းဆောင်နိုင်မယ်လို့ သိရပါတယ်။ ဒါ့အပြင် ပတ်ဝန်းကျင်ဆူညံ့သံတွေကို လျော့ချပြီး စကားသံတွေကိုပဲ ဦးစားပေးနိုင်မယ့် Adaptive Transparency Mode လည်း အသစ်ပါဝင်လာမှာဖြစ်ပါတယ်။ Control ပြုလုပ်ဖို့အတွက် Force Sensor တွေကို အဆင့်မြှင့်တင်ထားပြီး အခုဆိုရင် Swipe ပြုလုပ်ပြီး အသံအတိုးအကျယ်ကိုပါ ပြုလုပ်နိုင်တော့မှာဖြစ်ပါတယ်။

Battery ကိုလည်း အဆင့်မြှင့်တင်ထားပြီး Earbuds အနေနဲ့ အသုံးပြုရင် ၆ နာရီဆက်တိုက်၊ Charging Case နဲ့တွဲဖက်အသုံးပြုမယ်ဆိုရင် နာရီ ၃၀ အထိ အသုံးပြုနိုင်မှာဖြစ်ပါတယ်။ Find My App ကနေ Earbuds တစ်ဖက်ချင်းစီအပြင် Charging Case ကိုပါ ရှာဖွေနိုင်ပြီဖြစ်ပြီး Charging Case မှာလည်း Speaker ထည့်သွင်းပေးထားပါတယ်။ အားသွင်းတဲ့အချိန်မှာလည်း Lightning Port ၊ Wireless Charging တွေအပြင် Apple Watch Charger ကိုပါ အသုံးပြုနိုင်ဦးမှာပါ။ Charging Case ကို Keychain မှာချိတ်ထားနိုင်မယ့် Loop တစ်ခုလည်း ပါဝင်လာပြီဖြစ်ပါတယ်။

Apple Watch

—----------------

နောက်ထပ် Apple ကနေ Apple Watch အသစ်တွေဖြစ်တဲ့ Apple Watch Series 8 ၊ Apple Watch SE နဲ့ Apple Watch Ultra တွေကို မိတ်ဆက်သွားခဲ့ပါတယ်။

Apple Watch Series 8 ကတော့ အဓိကအနေနဲ့ Sensor တွေကို အဆင့်မြှင့်တင်ထားတယ်လို့ ပြောနိုင်ပါတယ်။ ကိုယ်အပူချိန်ကို ၅ စက္ကန့်တစ်ခါတိုင်းပေးနိုင်တဲ့ Temperature Sensor ပါလာသလို မိန်းကလေးတွေအတွက် ရာသီစက်ဝန်းအချိန်ကို Tracking ပြုလုပ်ခြင်း၊ သားဥကြွေသည့်အချိန်ကို ဖော်ပြနိုင်မယ့် Feature တွေပါဝင်လာမှာဖြစ်ပါတယ်။ Crash Detection အတွက် Sensor တွေကို ထည့်သွင်းထားတာကြောင့် ကားတိုက်တာကိုလည်း ချက်ချင်းသိနိုင်မှာပါ။ Low Power Mode အသစ်ပါလာပြီးတော့ တစ်ခါအားသွင်းထားရင် ၃၆ နာရီအထိ သုံးလို့ရမယ်လို့ သိရပါတယ်။ အဆိုပါ Low Power Mode ဟာ Series 8 အပြင် Series 4 နဲ့အထက် Apple Watch တွေမှာပါ ရရှိလာမှာဖြစ်ပါတယ်။

Apple Watch SE ကတော့ Series 8 မှာသုံးထားတဲ့ Chip နဲ့ Motion Sensor တွေပါဝင်မှာဖြစ်ပါတယ်။ အရင် Series 3 နဲ့ ယှဥ်ရင် Display က ၃၀ ရာခိုင်နှုန်း ပိုကြီးမားကျယ်ပြန့်မှာဖြစ်ပါတယ်။ ယခင်ထွက်ရှိထားတဲ့ Watch SE ထက် ၂၀ ရာခိုင်နှုန်း စွမ်းဆောင်ရည်ပိုကောင်းမွန်မှာဖြစ်ပြီး စျေးနှုန်းအရလည်း သက်သာမှာဖြစ်ပါတယ်။

နောက်ဆုံး Apple Watch Ultra ကတော့ အကြမ်းပတမ်းပတ်မယ်ဆိုတဲ့သူတွေအတွက် ရည်ရွယ်ထားတာဖြစ်ပါတယ်။ Case က အစ Titanium ကိုမှ အရွယ်အစားက 49mm ဆိုတော့ အကြီးဆုံး Apple Watch ဖြစ်သလို Display ကလည်း Curved မဟုတ်ပဲ Flat ပုံစံပြုလုပ်ထားပါတယ်။ နောက်ထပ် စိတ်ကြိုက် Customized ပြုလုပ်နိုင်မယ့် Action Button ပါဝင်လာမှာဖြစ်ပြီး Speaker တွေ၊ Mic တွေကိုလည်း Upgrade လုပ်ထားတာကို တွေ့ရပါတယ်။

တခြားသော Feature တွေအနေနဲ့ကတော့ တောင်တက်တဲ့သူတွေ၊ ခရီးသွားတဲ့သူတွေအတွက် အဆင်ပြေအောင်ထုတ်ပေးထားတဲ့ Watch Face အသစ်ပါဝင်မှာဖြစ်ပြီး Watch Band တွေကိုလည်း အသုံးပြုမယ့်ပုံစံပေါ်မှုတည်ပြီး ရွေးချယ်နိုင်မှာဖြစ်ပါတယ်။၊ ပြီးတော့ ရေငုပ်တဲ့အချိန်မှာလည်း ရေအနက်ပေလိုမျိုး အချက်အလက်တွေဖော်ပြပေးနိုင်သလို ရေငုပ်ဖို့အတွက် အဆင်ပြေတဲ့ App တွေ နောက်ပိုင်းသုံးလို့ရမယ်။ GPS တွေကအစ အရင် Apple Watch တွေထက် အများကြီးအဆင့်မြှင့်တင်ပြီး မိတ်ဆက်ခဲ့တာဖြစ်ပါတယ်။ စျေးနှုန်းအနေနဲ့လည်း Apple Watch Series 8 ထက် ၂ ဆ ပိုများပြားမှာဖြစ်ပါတယ်။

- လူတိုင်းမျှော်နေတဲ့ Satellite Connection ပါလာပါပြီ .. ကောင်းကင်မှာပျံသန်းနေတဲ့ Satellite နဲ့ချိတ်ဆက်ပြီး ဖုန်းခေါ်၊ SMS တွေပို့နိုင်တော့မှာပါ .. ဒါတွေကို Emergency အခြေအနေမှာသုံးနိုင်သလို FindMy Location update အတွက်လည်းသုံးနိုင်မှာပါ .. SatelliteConnection ကို iPhone 14 ဝယ်သူတိုင်းအတွက် ၂ နှစ်စာ Free ပေးသွားမှာဖြစ်ပြီး လောလောဆယ်တော့ US နဲ့ Canada မှာပဲရဦးမှာဖြစ်ပါတယ်

- ဈေးကတော့ iPhone 14 ကို $799 ကနေစမှာဖြစ်ပြီး iPhone 14 Plus ကို $899 ကနေစမှာဖြစ်ပါတယ်

- Sept 9 မှာ Pre-order စမှာလို့ရပါပြီ

iOS 16 အသုံးပြုနိုင်သော အိုင်ဖုန်းများ

 iOS 16 အသုံးပြုနိုင်သော အိုင်ဖုန်းများ

iPadOS 16 အသုံးပြုနိုင်သော အိုင်ပက်များ

WatchOS 9 အသုံးပြုနိုင်သော ပန်းသီးနာရီများ

iOS 16 features အနှစ်ချုပ်

                     Lock Screen Redesign        

Focus

Photos

iMessage

Mail

Dictation

Apple Pay & Wallet

Home App Redesign

Health & Fitness

Live Text Quick Actions

Privacy & Security

New iOS 16 အနှစ်ချုပ်

================

Lock Screen

- မိမိ အိုင်ဖုန်းရဲ့ Lock Screen ကို မိမိစိတ်ကြိုက် ပြင်ဆင်လို့ရပါဘီ၊ အနှစ်ခြိုက်ဆုံး ဓါတ်ပုံများ၊ နှစ်သက်ရာ ဖောင့်စတိုင်များ စိတ်ကြိုက်ပြင်ပြီး Activity, Calender, Weather, Bettery Level စတဲ့ Widgets များလည်း အစုံအလင် ထည့်သွင်းလို့ ရပါဘီ၊

- ပန်းသီးရဲ့ နာရီက Face ကဲ့သို့ အိုင်ဖုန်းတွေမှာလည်း မတူးကွဲပြားတဲ့ Look Screen တွေကို စိတ်ကြိုက်ဖန်တီးနိုင်ပြီး တစ်ခုနဲ့ တစ်ခု အလွယ်ကူးပြောင်းလို့ ရပါ့မယ်၊

- Lock Screen ရဲ့ Notifications အသိပေး အချက်အလက်များကိုလည်း အိုင်ဖုန်းမျက်နှာပြင်ရဲ့ အောက််ခြေမှာ ပေါ်ပါ့မယ်၊ မျက်နှာပြင်ရဲ့ အလှဓါတ်ပုံကို မထိခိုက်အောင်လို့ပါ၊ Expanded List View, Stack View သို့မဟုတ် Hidden View စသဖြင့် လုပ်ထားလို့လည်း ရပါ့မယ်၊

- အချိန်နဲ့ တပြေးညီးဖြစ်ပျက်နေသော အားကစားပွဲရဲ့ ရလာဒ်များ၊ Food Delivery အခြေအနေ၊ ငှားထားတဲ့ Taxi လာရောက်နေပုံ စတဲ့ LIve Activities များလည်း Look Screen မှာ တွေ့ရပါ့မယ်၊

Focus

- ပိုမိုလွယ်ကူတဲ့နည်းများနဲ့ Focus ကို တည်ဆောက်လို့ရပါ့မယ်၊

- Focus များကိုလည်း Lock Screen ချိတ်ဆက်ထားပြီး မိမိသုံးနေတဲ့ Focus နဲ့ သက်ဆိုင်တဲ့ အရာတွေဘဲ ရွေးပြီး ဖော်ပြပေးပါ့မယ်၊ အလုပ်ဆို အလုပ်နဲ့ဆိုင်တဲ့ App တွေ အဆက်အသွယ်တွေ လုပ်ဆောင်စရာတွေ အစည်းအဝေးတွေ စသဖြင့်ပေါ့၊

Photos

- iCloud မှာ မိသားစု ဓါတ်ပုံများ မျှဝေခြင်းကို ပိုပြီး အထူးပြုထားပါတယ်၊

- မိမိ ဓါတ်ပုံ အယ်လ်ဘမ်မှလည်းကောင်း ရိုက်နေဆဲ ကင်မရာမှလည်းကောင်း တိုက်ရိုက် အလွယ်ရှယ်လို့ရပါ့မယ်၊

- တည်နေရာ အချိန် အဖြစ်အပျက်များပေါ်မူတည်ပြီး Smart အကြံပြုချက်များလည်း ရရှိပါ့မယ်၊

- အားလုံးရှယ်ထားသူများ အလွယ် မျှဝေနိုင်သလို ဓါတ်ပုံများကိုလည်း ပြုပြင်လို့လည်း ရပါတယ် ဖယ်ရှားချင်လည်း အလွယ်ရပါတယ်၊

iMessage

- ပို့ပြီးသောစာများကို အလွယ်ပြင်လို့ရသလို မှားပို့မိသောစာများကိုလည်း ချက်ချင်း ဖယ်ရှားပြန်ရုတ်သိမ်းလို့ရပါတယ်၊

- ချက်ချင်းစာမပြန်နိုင်သော messages များကိုလည်း နောက်မှာစာပြန်ရန် Unread လုပ်ထားလို့ရပါ့မယ်၊

- SharePlay နည်းပညာကို iMessage ဆီ ယူဆောင်လာပါတယ်၊ စာပို့နေစဥ်အတွင်း နှစ်သက်ရာမူဗီများ အတူ ခံစာနိုင်ပါတယ်၊

Mail

- ပိုမိုတိကျတဲ့ မေးလ် ရှာဖွေမှုကို အဆင့်မြင့်ထားပါတယ်၊

- လတ်တလောပို့လိုက်တဲ့ မေးလ်များကိုလည်း အလျင်အမြန် Unsend ပြန်ရုတ်သိမ်းလို့ ရပါ့မယ်၊

- အချိန်သတ်မှတ်ပြီး မေးလ်များပို့လို့ ရပါ့မယ်၊

- အလုပ်နဲ့ ပက်သက်ပြီး Fellow up လုပ်ရမဲ့ မေးလ်များကို သတိပေးစာ လုပ်ထားလို့ရပါတယ်၊

Safari

- Sign in လုပ်စရာများအတွက် Passkeys ဖျစ်ချာအသစ်ကို မိတ်ဆက်ပါတယ် Passwords များရိုက်စရာ မလိုတော့ပါ၊ Two-factor Authentication များထက် ပိုပြီး လုံခြုံစိတ်ချရပါတယ်လို့ ဆိုပါတယ်၊

- FaceTime ပြုနေချိန်မှာ Safari Tabs များ Bookmarks များကို ရှယ်လို့ရပါ့မယ်၊

Dictation

- နှုတ်တိုက်ချပေးစဥ် လိုအပ်သော သတ်ပုံပြင်ခြင်းကို အလိုအလျောက်ပြုပေးသည့် အပြင် emoji များလည်း အလုပ်လုပ်ပါတယ်

- နှုတ်တိုက်ချပြောခြင်းနဲ့ ကီဘုတ်မှာ စာရိုက်ခြင်းကိုလည်း အတူတကွ အဆင်ချောစွာ လုပ်ဆောင်နိုင်ပါတယ်၊

Apple Pay & Wallet

- ငွေပေးချေမှုများကို အသေးစပ် စိစစ်လို့ ရပြီး မိမိ မှာထားသည့်အရာများရဲ့ အိမ်တိုင်ရာရောက်ပို့ဆောင်နေမှုကိုလည်း Wallet မှာဘဲ ခြေရာခံလို့ ရပါဘီ။

- Wallet အတွင်း ဒီဂျစ်တယ်သော့များကိုလည်း Messages များ မေးလ်များဖြင့် မျှဝေလို့ရပါတယ်၊

Home App

- App Layout ကို သုံးစွဲသူ အချိန်တိုအတွင်း အသုံးပြုလွယ်ကူစေရန် အသစ်ပြန်တည်ဆောက်ထားပါတယ်

- ရာသီဥတု၊ မီးအလင်းရောင်၊ လုံခြုံရေး စတဲ့ အစုအဖွဲ့များနဲ့ သုံစွဲပိုမိုလွယ်ကူအောင် ပြုပြင်ထားပါတယ်

- IOT ပစ္စည်းနဲ့ နည်းစနစ်များက Matter ကို အထောက်အကူပြုပေးပါ့မယ်၊

Health & Fitness

- Medication အသစ် Feature ပါ၊ ဘယ်အချိန် ဆေးသောက်ရမယ် စသဖြင့် အသေးစိပ် မှတ်တမ်းပြုပြီး ဆေးသောက်ချိန်ကို အသိပေးနှိုးဆော်သွားပါ့မယ်၊

- မိမိမှာ အိုင်ဖုန်းမရှိသော်လည်း iOS16 မှစ၍ Fitness App မူလပထမအနေနဲ့ ပါဝင်လာပါ့မယ်၊

Live Text Quick Action

- ဓါတ်ပုံများမှ စာသားများသာမက ထင်ရှားသည့် အရာဝတ္ထုများကိုသာ နောက်ခံမပါဘဲ ရွေးပြီး Copy လုပ်ပြီး Messages, မေးလ်များ စသည့်နေရာများမှာ Paste လုပ်လို့ ရပါတယ်

- ဓါတ်ပုံ, ဗီဒီယို နှင့် ကင်မရာများမှ သက်ဆိုင်ရာစာသားအလိုက် ဖုန်းခေါ်ဆိုမှုများ, website သွားခြင်း ငွေသား Currency ပြောင်းခြင်းများ ဘာသာပြန်မှုများကို အလျှင်အမြန် အလွယ်တကူ ပြုလို့ရပါတယ်၊

Privacy & Security

- အရေးကြီးတဲ့ လုံခြုံရေးကို ပိုမိုအဆင့်မြင့်တင်ထားပါတယ်၊

- Safety Check အသစ်ပါ၊ အိမ်တွင်း သို့မဟုတ် ရင်နှီးမိတ်ဆွေများ အကြမ်းဖက်မှုစသည့် အခြေအနေများတွင် ပေးထားသော Access များကို ပြန်လည််စီစစ်ပြီး ပြန်သတ်မှတ်ရန်း ကူညီပေးပါတယ်၊

ထို့ပြင် …

အခြားအခြားသော ပန်းသီး Apps များဖြစ်ကြသော Weather, TV, Spotlight, FaceTime, Reminder, Notes, Memoji နှင့် Translate စသည်တို့မှာလည်း သုံးစွဲသူ ပိုမိုလွယ် အဆင်ပြေအောင် အဆင့်မြင့်ထားပါသေးကြောင်း ရေးသားတင်ပြလိုက်ပါတယ်။