iPhone 12 နဲ့ iPhone 12 Pro တို့ရဲ့ ကွာခြားချက် ( ၉ ) ခု

 

1. Build and Colors

Apple ရဲ့ Pro စီးရီးနဲ့ Non-Pro စီးရီးတို့ကြား ကွားခြားမှုကတော့ အမြဲရှိနေမှာပါ။ iPhone 12 mini နှင့် iPhone 12 တို့မှာ ရွေးချယ်စရာ အရောင်အမျိုးမျိုး ရနိုင်ပေမယ့် Build Quality မှာတော့ အနည်းငယ်လျော့ပါမယ်။ iPhone 12 မှာ အရောင်အနေဖြင့် Product(RED), White, Blue, Green နှင့် Black ဆိုပြီး အရောင် ( ၅ ) ရောင် ရွေးချယ်နိုင်ပါမယ်။ Aluminum ကိုယ်ထည်နဲ့ ဖြစ်ပါတယ်။

iPhone 12 Pro နှင့် iPhone 12 Pro Max တို့မှာကတော့ အရောင် ( ၄ ) ရောင်သာ ရွေးချယ်နိုင်မှာဖြစ်ပြီး ကိုယ်ထည်ကတော့ Premium ဆန်တဲ့ Stainless Steel ကိုယ်ထည်နဲ့ ဖြစ်ပါတယ်။ အရောင်တွေကတော့ Graphite, Gold, Pacific Blue နဲ့ Silver တို့ပဲ ဖြစ်ပါတယ်။ ( ပြောရရင် ဒီနှစ် iPhone 12 Pro Lineup အရောင်တွေဟာ အတော်လေး မိုက်ပါတယ် )

2. Bigger Display Size

ပြီးခဲ့သည့်နှစ် Apple ရဲ့ ဈေးအနည်းဆုံး ဖုန်းဟာ 6.1 လက်မ Display နဲ့ ဖြစ်ခဲ့ပေမယ့် ဒီနှစ် iPhone 12 Lineup မှာတော့ ကြီးမားတဲ့ ပြောင်းလဲမှု ဖြစ်သွားပါပြီ။ ဘာလို့ဆို iPhone 12 6.1 လက်မနှင့် iPhone 12 mini 5.4 လက်မဆိုပြီး ထွက်ရှိလာလို့ ဖြစ်ပါတယ်။ iPhone 12 Pro Lineup မှာတော့ iPhone 12 Pro 6.1 လက်မနှင့် iPhone 12 Pro Max 6.7 လက်မဆိုပြီး ထွက်လာပါတယ်။ iPhone 12 Pro Max ဆိုရင် အခုနှစ်ထွက်ရှိလာတဲ့ iPhone 12 နှင့် iPhone 12 mini တွေထက်တင် Display အရွယ်အစား ကြီးတာမဟုတ်ပဲ၊ ပြီးခဲ့သည့်နှစ်က iPhone 11 Pro Max ထက်ကို ကြီးတာ ဖြစ်ပါတယ်။

စိတ်ဝင်စားဖို့ကောင်းတာက iPhone 12 နှင့် iPhone 12 Pro တို့က Display Resolution အတူတူပဲ ဖြစ်နေတာပါ။ သိတဲ့အတိုင်း iPhone 12 mini နဲ့ iPhone 12 Pro Max တို့ကတော့ Display အရွယ်အစား အတော်ကြီး ကွာဟသလို၊ Display Resolution ကလည်း ကွာခြားပါတယ်။ ဒါပေမယ့်လည်း အဆိုပါ iPhone 12 ( ၄ ) မျိုးလုံးမှာတော့ Dolby Vision, HDR10 နှင့် HLG တို့ကိုတော့ တူညီစွာ Support လုပ်ပါတယ်။ iPhone 12 Pro က 800 nits အထိ Max Brightness ရပြီး၊ iPhone 12 ကတော့ 625 nits အထိပဲ အမြင့်ဆုံးရတဲ့ Super Retina XDR Display ကို အသုံးပြုထားပါတယ်။

3. More Storage

နောက်ဆုံးမှာတော့ Apple ဟာ Pro စီးရီးတွေဖြစ်တဲ့ iPhone 12 Pro စီးရီးတွေရဲ့ Base Storage ကို 128GB ကနေ စတင်လိုက်ပြီ ဖြစ်ပါတယ်။ နောက်ထပ်လည်း 256GB နှင့် 512GB ဆိုပြီးလည်း Storage အမျိုးမျိုးကို ရွေးချယ်နိုင်ပါသေးတယ်။ iPhone 12 စီးရီးမှာတော့ Base Storage က 64GB ကနေ စမှာဖြစ်ပြီး၊ 128GB နှင့် 256GB ဆိုပြီး ထပ်မံရွေးချယ်နိုင်ပါမယ်။

 

 4. Bigger Camera Sensor on Max

Sensor-Shift Stabilization နှင့် 1.7um Pixels Features တွေဖြင့် 12MP Camera ကိုတော့ iPhone 12 Pro Max တမျိုးထဲမှာသာ ရရှိမှာ ဖြစ်ပါတယ်။ အဆိုပါ Sensor တွေက f/1.6 12MP တွေပါတဲ့ iPhone 12 စီးရီးနှင့် iPhone 12 Pro တို့ထက် အလင်းကို ပိုမိုဝင်စေမှာဖြစ်ပါတယ်။ Stabilization ကလည်း လက်ဖြင့်ရိုက်တဲ့အခါမှာ ပိုမိုအကျိုးရှိစေမှာပါ။

5. Telephoto Camera on Pro

Apple ရဲ့ Pro Lineup နဲ့ Non-Pro Lineup မှာ အမြဲကွာခြားနေမယ့်အချက်ကတော့ Camera Setup ပဲ ဖြစ်ပါလိမ့်မယ်။ iPhone 12 Lineup မှာက Dual-Camera Setup ပဲပါပြီး၊ iPhone 12 Pro Lineup မှာတော့ Triple-Camera Setup နဲ့ ဖြစ်ပါတယ်။ Primary နဲ့ Ultra-Wide Angle Cameras တွေကတော့ Lineup အားလုံးမှာ အတူတူပဲဖြစ်ပြီး၊ iPhone 12 Pro Lineup မှာတော့ Telephoto Sensor ပါတဲ့ Camera တစ်လုံး ပိုလာတာဖြစ်ပါတယ်။

Apple ဟာ Telephoto Camera Sensor ကို တိုးတက်မှုတွေ လုပ်လာပါတယ်။ iPhone 12 Pro Max ရဲ့ Telephoto Sensor အသစ်ဟာဆိုရင် 2.5x Optical Zoom အထိ ဆွဲနိုင်ပါတယ်။ နောက်ပြီး Low-Light အနေအထားမှာတောင် 12x Digital Zoom အထိ ဆွဲပြီး ပုံကောင်းကောင်း ရိုက်ယူနိုင်ပါတယ်။

6. LiDAR Scanner for Low-Light Magic

iPhone 12 Pro Lineup မှာပဲ သီးသန့်အဖြစ်ပါတဲ့ LiDAR Scanner ကိုလည်း မေ့ထားလို့ မရပါဘူး။ ဒီနှစ်အစောပိုင်းက မိတ်ဆက်ပေးခဲ့တဲ့ 2020 iPad Pro Lineup မှာ အသုံးပြုထားသည့် Scanner နဲ့ အတူတူပါပဲ။ LiDAR Scanner ဟာ AR အတွေ့အကြုံတွေမှာ ပိုပြီးတိုးတက်ကောင်းမွန်လာအောင်လို့ iPhone 12 Pro မှာ အကူအညီပေးမှာ ဖြစ်ပါတယ်။ တကယ်တော့ ဒီ့ထက်ပိုပါသေးတယ်။ Apple ဟာ LiDAR Scanner ကို အသုံးပြုပြီး Low-Light လိုအခြေအနေမျိုးမှာ Camera အတွက် အကောင်းဆုံး 6x Autofocus Performance ရအောင်လို့ လုပ်ပေးထားပါတယ်။ နောက်ပြီး LiDAR Scanner ပါဝင်တဲ့ iPhone 12 Pro နဲ့ iPhone 12 Pro Max တို့ဟာ Night Mode Portrait ကိုလည်း ရိုက်ယူနိုင်ပါမယ်။

 7. ProRAW

Apple ဟာ Creative လုပ်ရတာဝါသနာပါတဲ့ Creators တွေအတွက် ProRAW ဆိုတဲ့ Image Format အသစ်ကိုလည်း မိတ်ဆက်ပေးလာပါတယ်။ ဆိုလိုတာက Apple ဟာ သူတို့ရဲ့ Smart HDR3 နှင့် Deep Fusion Processing တို့အပေါ်မှာ ကောင်းကောင်းအသုံးပြုပြီး Creators တွေအကြိုက် Over Exposure တွေ, Colour တွေ, White Balance တွေနဲ့ အခြား Process တွေကိုပါ Photos ပေါ်မှာ စိတ်ကြိုက် လုပ်ခွင့်ပေးလိုက်တာပဲ ဖြစ်ပါတယ်။

8. Better Battery Life on the Max

iPhone 12 နှင့် iPhone 12 Pro တို့ရဲ့ Video Playback ( 17 hours ) နဲ့ Audio Playback ( 65 hours )အသုံးပြုနိုင်သည့် Battery Life ကတော့ အတူတူပဲ ဖြစ်ပါတယ်။ အရွယ်အစားပိုကြီးတဲ့ iPhone 12 Pro Max ကတော့ Video Playback ( 20 hours ) နှင့် Audio Playback ( 80 hours ) အသုံးပြုနိုင်မှာ ဖြစ်ပါတယ်။

ဒီတော့ အရွယ်အစားအသေးဆုံးဖြစ်တဲ့ iPhone 12 mini ကတော့ အပေါ်က ( ၃ ) လုံးနှင့် ဆန့်ကျင်စွာ Battery Life အာ့လောက်မခံဘူးဆိုတာတော့ သိထားရပါမယ်။

9. Price

iPhone 12 Lineup မှာပါတဲ့ iPhone 12 mini က $699 ကနေ စမယ်လို့ တရားဝင်ကြေငြာထားပေမယ့် အဲဒါက US မှာရှိတဲ့ Operators တွေနဲ့ စာချုပ်ချုပ်ပြီး ဝယ်ယူမှရမယ့် ဈေးနှုန်းပါ။ မြန်မာပြည်မှာ အသုံးပြုဖို့အတွက်ဆိုရင်တော့ SIM Free ဝယ်ယူမှ အဆင်ပြေမှာမို့ $729 ကျသင့်မှာ ဖြစ်ပါတယ်။ အဲသလိုပဲ iPhone 12 ရဲ့ $799 ဈေးကလည်း မြန်မာပြည်မှာ အသုံးပြုဖို့အတွက်ဆိုရင် $829 ကျသင့်မှပါ။ iPhone 12 Pro ရဲ့ SIM Free ဈေးကတော့ အပြောင်းအလဲမရှိပဲ $999 ကျသင့်မှာဖြစ်သလို၊ iPhone 12 Pro Max ရဲ့ ဈေးနှုန်းကလည်း $1099 ကနေ မပြောင်းလဲပါဘူး။ အထက်ပါဈေးနှုန်းတွေက Apple Store ရဲ့ တရားဝင်ဈေးနှုန်းတွေဖြစ်လို့ မြန်မာအပြည်အရောက်ဈေးနှုန်းများ မဟုတ်တာကိုလည်း သိထားစေချင်ပါတယ်။ Custom Duty Tax တွေ, Shipping Fee တွေ, ရောင်းချတဲ့ဆိုင်ရဲ့အမြတ်တွေ မပါသေးတဲ့အတွက် ဒီကိုရောက်လျှင် ဒီဈေးထက် ပိုများမှာ ဖြစ်ပါတယ်။

အပေါ်ကအချက်တွေ အားလုံးကိုကြည့်ပြီးလျှင် ပြောစရာရှိတာက iPhone 12 နှင့် iPhone 12 Pro Lineup တွေမှာ တူညီစွာရရှိနိုင်တဲ့ Features တွေလည်း ရှိသေးတယ်ဆိုတာပါပဲ။ A14 Bionic Chipset ကို အားလုံးမှာအသုံးပြုထားတာဖြစ်လို့ Performance နဲ့ Fastest တို့ကတော့ အခြားသော Smartphones တွေထက် နှာတဖျားကတော့ သာနေမှာ ဖြစ်ပါတယ်။ နောက်ပြီး iPhone 12 Lineup အားလုံးတွင် ...
* Super Retina XDR display
* 5G, with mmWave connectivity in the U.S.
* Ceramic Shield
* IP68 Water Resistance
* Night mode for all cameras
* Dolby Vision HDR video recording
* Wi-Fi 6, Bluetooth 5.0
* MagSafe Charging and Accessories support
* Face ID
* Fast wired charging
စသည်တို့ကတော့ တူညီစွာ ရရှိ အသုံးပြုနိုင်မှာ ဖြစ်ပါတယ်။

***( တစ်ခါထဲ ပြောပါမယ်။ ငွေကြေးပေါပြီး တတ်နိုင်တဲ့သူကတော့ Box ထဲမှာ ဖုန်းကလွဲလို့ ဘာမှပါမလာရင်တောင် ဝယ်ကြမှာပါပဲ။ ဘာလို့ဆို သူတတ်နိုင်လို့ ဝယ်တာမို့ပါ။ အာ့လိုလူမျိုးတွေအတွက် iPhone 12 က ဂျင်းကြီးပါလို့ သွားပြောရင် သူက ပြုံးပြီး ပြန်ကြည့်နေမှာပါ။ မဝယ်နိုင်လို့ ဖောင်းလိုက်ထုနေမယ့်အစား ဝယ်နိုင်တဲ့သူတွေကို ကြည့်ပြီး မုဒိတာပွါးတာကမှ အကျိုးပိုရှိပါလိမ့်မယ်။ ဒီလိုပြောလို့ Admin လည်း မဝယ်နိုင်ပါဘူး။ ဝယ်နိုင်တဲ့သူတွေကိုကြည့်ပြီး မုဒိတာ ထိုင်ပွါးနေမှာပါ။ ငှဲငှဲ )***

😁ios 14 ရဲ​့ အမိုက်စား function ထဲကတချို့

 

ios 14 ရဲ​့ အမိုက်စား function ထဲကတချို့က ios user တွေအတွက် တော်တော်လေးအသုံးဝင်လာကိုတွေ့ရတယ်

widget on the Home Screen

Home Screen မှာ widget တွေအစုံတင်ပေးထားတာက ရုတ်တရက်ကြည့်ရင် screen ရှုပ်သလိုဖြစ်ပေမဲ့ တကယ်မိုက်တဲ့ function တခုပါApple accessories တွေရဲ့ battery Notification ကိုကြည့်လို့ရတာလေးတော့ တော်တော်မိုက်တယ်

App library

Application တွေကို လိုက်ရှာရတဲ့ ဒုက္ခတော်တော်လေး သက်သာသွားတယ်ကိုယ့်ဖုန်းကို သူစိမ်းယူကိုင်ရင်တောင် စိတ်ပူနေရတဲ့ App တွေ Hide ထားလို့ရတာလေးက ရှယ်ပဲ

Recording indicator

ရုတ်တရက်ကြည့်ရင် indicator ကဘာမှ မဟုတ်ပါဘူးလို့တော့ထင်ကောင်းထင်နိုင်တယ်

ဒါပေမဲ့ third party app တွေကနေ privacy track လုပ်ခြင်းက ကာကွယ်ဖို့ notification တခုဆိုတော့ မဆိုးဘူးတော့ပြောရမယ်

Mirror Selfie Feature

ဒီအချက်တော့Selfie ရိုက်ရတာကြိုက်တဲ့ ဘေဘီတွေ မမကြီးတွေအကြိုက်ဖြစ်မယ်ဆိုတာအသေအချာပဲselfie ရိုက်ပြီးပြောင်းပြန်ပုံပေါ်ခြင်းကင်းဝေးပြီဆိုတော့ ဆယ်ဖီအကြိုက်ဆွဲပေတော့ပေါ့ဗျာ

Photo Hide

အရင်က album ထဲက Photo တွေကို hide လို့ရပေမဲ့ Hide Folder Name ကြီးပေါ်နေတော့ Hide လဲအလကားဖြစ်နေတာအခုတော့ Hide Folder ကိုပါ ဖျောက်လို့ရပြီဆိုတော့ ဖုံးချင်ဝှက်ချင်သူများအတွက်ရွှေပေါ့ဗျာ

Compact Calls

ဘာကြီးလဲပေါ့ android ဖုန်းဒီဇိုင်းကြီး Feel ကြဲတယ်ကွာလို့ထင်မိတာ...တကယ်ကတော်တော်မိုက်တယ်ဗျ App တွေသုံးနေရင် ဖုန်းဝင်လာလို့ full screen နဲ့မလာတော့ပဲ noti banner နဲ့ပေါ်လာတာလေးပ တကယ်သုံးကြည့်တော့ တော်တော်အဆင်ပြေတယ်ဗျာ

Back Tap Function

ကျောဘက်ကို ၂ ချက်ခေါက်ပြီး Lock ချမလား

၃ ချက်ခေါက်ပြီး Mute လုပ်မလား တော်တော်လေး အသုံးဝင်တယ်ဗျာ မိမိစိတ်ကြိုက် ပြင်လို့ရတယ်နော် admin ကတော့ lock /Mute ကိုကြိုက်လို့ ကလိထားတာ

တခုတော့ ရှိတယ် Glass body တွေအသုံးပြုပေးထားတဲ့ Model တွေပဲရမှာဆိုတော့ 7/7+ နှင့်အောက်ပိုင်း အမျိုးအစားတွေတော့ စိတ်မကောင်းစရာပဲ

ကဲ တခြားတခြားသော Function ကောင်းတာလေးတွေရှိရင်လဲ comment မှာဝင်ရေးပေးသွားပါအုံးနော်

iPhone 12 Series အတွက် Singapore Apple Store က ဈေးတွေ

 

iPhone 12 Series အတွက် Singapore Apple Store က ဈေးတွေ

S$1 = 950-975

iPhone 12 Mini

- 64GB S$1149

-128GB S$1219

-256GB S$1389

iPhone 12

- 64GB S$1299

-128GB S$1369

-256GB S$1539

iPhone 12 Pro

- 128GB S$1649

-256GB S$1819

-512GB S$2149

iPhone 12 Pro Max

- 128GB S$1799

-256GB S$1969

-512GB S$2299

Apple က ကြေညာ သွားတဲ့ ဈေးတွေက USA မှာပဲ Carrier Lock နဲ့ဝယ်မှ အဲ့ဈေးရမှာပါ

ဒါတောင် သူ့နိုင်ငံက သတ်မှတ်တဲ့ Tax ပေါင်းဦးမှာ ပါ

Worldwide ရောင်းတဲ့ အလုံးတွေ ဒီမှာ သုံးဖို့ ဝယ်မယ်ဆို အနည်း USD30 ကနေစကွာပါတယ်

Example : iPhone 12 ကို event မှာ $699 ပြောသွားပေမယ့် Worldwide သုံးလို့ရမယ့် Sim Free ယူမယ်ဆို $729 ကျသင့်ပါမယ်

Apple က Apple ပါပဲ

ဘယ်သူတွေဘာပြောပြော Apple User တွေကတော့

Apple တံဆိပ်ပါရင်ကို တန်တယ် ကြိုက်တယ် ပဲ ( မင်မင်လဲအပါဝင်ပဲ )

 

Apple Product ကိုင်သူတိုင်းသိထားသင့်တဲ့ Apple Warranty အကြောင်း

 

Apple Product ကိုင်သူတိုင်းသိထားသင့်တဲ့ Apple Warranty အကြောင်း

 

ကဲ အားလုံးပဲ iPhone အသစ်တွေလဲကြေငြာသွားပြီဆိုတော့ Apple fan တွေအနေနဲ့ဝယ်ဖို့စိုင်းပြင်နေကြပြီထင်ပါတယ် .. မိမိတို့ရဲ့ iPhone ကို Warranty အပြည့်အဝလိုချင်ရင် ဆိုင်ရွေးမမှားမိအောင် ဒီ Post လေးကို ဗဟုသုတအနေနဲ့ ဖတ်ထားဖို့လိုပါလိမ့်မယ်

ကျွန်တော်က end-user တွေဖက်က ရပ်တည်ပြီးရေးတာဖြစ်တဲ့အတွက်ကြောင့် ကျွန်တော့် post ဟာ ဘယ်ဖုန်းဆိုင်ကိုမှ ထိခိုက်စေလိုခြင်းမရှိသလို promote လုပ်ပေးခြင်းလဲမရှိပါဘူးဆိုတာနားလည်စေချင်ပါတယ် .. အဆင်ပြေရင် share ပေးသွားကြဖို့လဲ တောင်းဆိုချင်ပါတယ်ခင်ဗျာ။

ပထမဆုံးအနေနဲ့ Apple Warranty အကြောင်းကိုပြောပြချင်ပါတယ် .. Apple အနေနဲ့ သူ့ product ဝယ်ယူသူတိုင်းကို 1 Year Official Warranty ပေးပါတယ် .. Refurbished လို product ကိုတောင်မှ 1 year official warranty ပေးတာပါ

Refurbished အကြောင်းဖတ်ရန်  – https://www.pyaeheinnkyaw.tech/refurbished-iphone/

ဒီ 1 နှစ်အတွင်းမှာ Factory Fault ကြောင့်ဖြစ်လာတဲ့ error တော်တော်များများကို အသစ်တလုံးလဲလှယ်ခြင်းပေးဖြင့် ဖြေရှင်းပေးပါတယ် .. ဒါပေမယ့် ခြွင်းချက်တွေရှိပါတယ် .. ဥပမာ iPhone X မှာ Touch error ဖြစ်တာက Apple ဖက်က error ကြောင့်ဖြစ်တာပါ .. ဒါကြောင့် Warranty ကျန်ကျန်/မကျန်ကျန် နောက် ၃ နှစ်အထိ Display free လဲပေးပါတယ်

ဒါ့အပြင် MacBook တွေမှာဆိုရင်လဲ Warranty ကို AppleCare+ plan ဝယ်ပြီး 3 နှစ်ထိတိုးလို့ရပါတယ် (MacBook, iPhone အတွက် AppleCare+ plan မြန်မာမှာမရသေးပါ, AppleCare သာရပါသေးသည်)

AppleCare+ အကြောင်းဖတ်ရန်  – https://www.pyaeheinnkyaw.tech/the-pros-of-apple-care/

ဟုတ်ပြီ Warranty claim ဖို့ဘာတွေလိုအပ်လဲပြောပြပါမယ် .. သင့်ရဲ့ Device က Non-authorized service provider တွေမှာဖွင့်ပြင်ထားရင်, ရေဝင်ထားရင် (iPhone 7 ကစပြီး IP67 အဆင့် Water resistant ပါလာတယ်ဆိုပေမယ့် water damage အတွက် warranty မပေးပါဘူး .. ရေစိုခံတာပဲရှိတာပါ ရေစိမ်ခံတဲ့ Water proof မဟုတ်ဘူးဆိုတာ သတိချပ်စေချင်ပါတယ်)

iPhone တွေရေစိုသွားရင် ဘာလုပ်ထားရမလဲ – https://www.pyaeheinnkyaw.tech/how-to-protect-iphone-from-water-damage/

နောက်ပြီး မှန်ကွဲနေတာ, ဖုန်းရဲ့ အစိတ်အပိုင်းတခုခုက user fault ကြောင့် အလုပ်မလုပ်တော့တာ စတာတွေဖြစ်နေရင် Warranty claim ဖို့အခက်အခဲရှိပါတယ် .. အကယ်၍ သင့်ဖုန်းက warranty claim ဖို့လိုလာပြီဆိုရင် ဘယ်လိုလုပ်ရမလဲ .. မြန်မာနိုင်ငံမှာ Apple Authorized Service 2 ဆိုင်နဲ့ Reseller 2 ဆိုင်ရှိပါတယ်

Apple Authorized Service Centers

– mCare Apple Authorised Service Provider
– iPro Apple Authorised Service Provider (Mac Only)

Apple Authorized Resellers

– mDrive
– WaiYan Electronics

တို့တွေပဲဖြစ်ပါတယ် .. Warranty claim မယ်ဆိုရင် 2 မျိုးရှိပါတယ်

ပထမက ဒီက service မှာပဲပြင်လို့ရမလား .. ပြင်ရင်ရော ချက်ချင်းရနိုင်မလား နိုင်ငံခြားမှာရှိတဲ့ Apple Warehouse ကိုပစ္စည်းမှာပြီးရောက်လာမှ ပြင်လို့ရမလား စတဲ့ မြန်မာပြည်တွင်းမှာပဲ service လုပ်တဲ့အရာပါ (မြန်မာပြည်မှာ service လုပ်တာ ဖြစ်ပေမယ့် Apple ကနေ train ပေးထားတဲ့ service technicians တွေကြောင့် 100% စိတ်ချရပါတယ် .. Display လဲတာဘာညာက မြန်မာပြည်မှာတင်လုပ်ပေးနေပါပြီ)

နောက်တချက်က Apple ကိုအလုံးလိုက်ပြန်ပို့ပြီး ဟိုကအသစ်တလုံးပြန်ရောက်လာတာမျိုးပါ .. ဒါပေမယ့် Apple ကိုပြန်ပို့တဲ့အခါမှာ မြန်မာ region ဝင်တဲ့ iPhone တွေကိုပဲပြန်ပို့လို့ရပါတယ် .. region ဝင်တယ်ဆိုတာ model no နောက်ဆုံး ၃ လုံးဖြစ်တဲ့ LL/A, ZP/A တွေကိုပြောတာမဟုတ်ပါဘူး

Settings > General > Regulatory ကိုသွားကြည့်ရင် ထိပ်ဆုံးမှာတွေ့ရတဲ့ A နဲ့စတဲ့ model ကိုပြောတာပါ .. ဥပမာ iPhone X မြန်မာ region က A1901 ပါ .. A1865 ဆိုရင် မြန်မာနိုင်ငံ Apple Service ကနေ နိုင်ငံခြားကိုပြန်ပို့ပေးလို့မရပါဘူး .. အဲ့ဒီအတွက် အဲ့ဒီ model eligible ဖြစ်တဲ့ နိုင်ငံကိုသွားပြီး service လုပ်မှရပါမယ်

 

 

အပေါ်ကပုံကတော့ Model အလိုက် Region ဝင်တဲ့ နံပါတ်တွေကိုဖော်ပြထားတာပဲဖြစ်ပါတယ်

ဒီတော့ Myanmar Region Model တွေကိုပဲသီးသန့်ရောင်းတဲ့ Apple Authorized Reseller တွေဆီကဝယ်ရင် စိတ်ပူစရာမလိုတော့ပါဘူး .. ဒါပေမယ့် တခြား region အတွက်ကတော့ ကိုယ်ဝယ်ထားတဲ့ဆိုင်က ပြန်ပို့ပေးဖို့တာဝန်ရှိပါတယ် .. Admin ကိုယ်တိုင်ကြုံခဲ့တဲ့ အတွေ့အကြုံကိုဖတ်ချင်ရင် ဒီ link ကနေသွားပါ – https://www.facebook.com/100006857737198/posts/1937323589839547?sfns=mo

နောက်တခုက Apple ကိုပြန်ပို့ရတော့မယ်ဆိုရင် ကိုယ့်ရဲ့ iCloud acc ကို sign out လုပ်ပေးရပါတယ် .. ပြီးရင် data တွေအကုန်ဖျက်ပေးရပါတယ်

ဒီတော့ data တွေမဆုံးရှုံးချင်ရင် backup လုပ်ထားဖို့တော့လိုပါလိမ့်မယ် Data backup အတွက် iTunes ကိုသုံးတာပိုအဆင်ပြေပါတယ်

ဒီလိုနဲ့ကိုယ့်ဖုန်းကိုမပို့ခင်မှာ သက်ဆိုင်ရာဆိုင်က အရင်ဆုံး Diagnose လုပ်ပါတယ် .. အားလုံး Pass ဖြစ်ပြီး လဲရပြီဆိုပြီးအတည်ပြုမှ Apple ဖက်ကိုပို့ပေးတာဖြစ်ပြီး ၂ ပတ်ကနေ ၁ လကျော်ထိကြာနိုင်ပါတယ် ..

ပြန်ရလာတဲ့အလုံးက အသစ်ဆိုပေမယ့် တခြား accessories တွေပါမှာမဟုတ်ပါဘူး .. ဖုန်းပဲပြန်ပါလာမှာပါ .. အဲ့ဖုန်းရဲ့ Model no က N နဲ့စပါတယ် .. N ဆိုတာ Replacement unit အတွက်သီးသန့်ထုတ်ထားတဲ့ Model no ပါ .. Brand new original ဆိုရင် M နဲ့စပါတယ် (တချို့ non-official refur တွေလဲ M နဲ့စတတ်တာကိုသတိပြုပါ)

F နဲ့စရင်တော့ Official Refurbished ဖြစ်ပါတယ် .. တခါတလေမှာလဲ M နဲ့စတဲ့ Model တွေပြန်ပါလာတတ်ပါတယ် .. ဘာနဲ့ပဲစစ Quality တူတူပဲဖြစ်တဲ့အတွက် စိတ်ချရပါတယ်

နောက်ပြီးတော့ မှန်ကွဲရင် Warranty အကျုံးမဝင်ပါဘူး အဲ့အတွက်တခြားဆိုင်တွေမှာ ပြင်ရင် Original parts တွေလုံးဝမရနိုင်ပါဘူး .. Apple က Samsung ဆီကတောင်ပြန်ဝယ်နေရတဲ့အချိန်မှာ သူကတဆင့်ပြန်ရောင်းမယ်လို့ထင်ပါသလား? ဒီတော့ Original မှန်ပြန်ရချင်ရင် Authorized Service တွေမှာသွားပြင်ပါ

အဲ့တာဆို Service fees ပေးရပေမယ့် warranty ပျက်မှာမဟုတ်ပါဘူး .. Warranty မရှိတော့ရင်တောင် Apple ASP တွေဆီမှာပဲပြင်သင့်ပါတယ် မဟုတ်ပဲတခြားဆိုင်တွေမှာပြင်ထားရင် Apple Authorized Service တွေမှာပြင်လို့ရတော့မှာမဟုတ်ပါ ..

နောက်တချက်ကတော့ ကိုယ့်ဖုန်းက ကားတက်ကြိတ်လို့ ကြေမွပြီး လုံးဝသုံးလို့မရတဲ့အနေအထားလောက်ဆိုရင်တောင် Whole Unit Exchange လုပ်လို့ရပါတယ် ဖုန်းအဟောင်းကို Apple ကိုပြန်ပေး ငွေအလိုက်ပေးရင် Apple က Model တူ Color တူ Storage တူတလုံးပြန်ပေးတာပါ .. အဲ့လိုလုပ်ဖို့အတွက်လဲ အပေါ်မှာပြောထားတဲ့ Rules တွေနဲ့ညီမှရပါမယ် .. ဥပမာ Xs Max Whole Unit Exchange ဈေးက $600 ပါ 8 Plus ကတော့ $400 ပါ .. တခြားဆိုင်တွေမှာတော့မသိပေမယ့် mCare မှာတော့လုပ်လို့ရနေပါပြီ

***နောက်တခုရှိတာက AASP တွေမှာပိုက်ဆံပေးလဲထားတာဖြစ်ဖြစ် free လဲထားဖြစ်ဖြစ်လဲထားတဲ့ဟာမှန်သမျှကိုရက် 90 warranty ထပ်ပေးပါတယ်***

Apple ကOfficial လဲပေးလိုက်တာဟုတ်မဟုတ်ဘယ်လိုစစ်မလဲ? သင့်အရင်ဖုန်းအဟောင်းရဲ့Serial no ကိုသူတို့voucher ဖြတ်ကတည်းကရေးပေးလိုက်မှာ.. အဲ့serial no ကို https://checkcoverage.apple.com ကိုသွားစစ်လိုက်ရင်ဒီဖုန်းက Replace လုပ်ထားတယ်ဆိုတဲ့message လေးပြပါလိမ့်မယ်(အောက်ကပုံကိုကြည့်ပါ) ဒါဆိုApple ကတရားဝင်လဲပေးလိုက်တဲ့အလုံးဖြစ်ကြောင်းယုံကြည်ရပါပြီ။

 ကဲဒီလောက်ဆိုရင် ခိုင်မာမှုရှိတဲ့ Apple Warranty အကြောင်းကိုတော်တော်လေးတီးမိခေါက်မိရှိပြီလို့ ယူဆပါတယ် .. ကျွန်တော်ကလေ့လာနေဆဲကျောင်းသားတစ်ယောက်မလို့ ကျွန်တော်မသိသေးတာတွေလဲရှိနိုင်ပါတယ် မိတ်ဆွေတို့အနေနဲ့ မိတ်ဆွေတို့ရဲ့ Apple Official Warranty experience လေးတွေကို comment မှာဝေမျှပေးကြပါဦး။

iPhone 12 Series ရဲ့ Body Size

 

လက်ရှိထွက်ထားတဲ့ iPhone 12 Series ရဲ့ Body Size ပဲဖြစ်ပါတယ်

- iPhone 12 Mini ဟာ iPhone SE 1 နဲ့ iPhone 8 ကြားထဲမှာရှိပါတယ်

- iPhone 12 နဲ့ iPhone 12 Pro ကတော့ iPhone X နဲ့ iPhone XR ကြားထဲက Size မှာရှိပါတယ်

- iPhone 12 Pro Max ကတော့ Apple ကထုတ်ထားသမျှဖုန်းတွေထဲမှာအကြီးဆုံးဖြစ်ပြီး လက်ရှိ iPhone 11 Pro Max ထက်အနည်းငယ်ပိုကြီးပါတယ် 

 

 

iPhone တွေမှာ Noti တက်ရင်ဘယ်သူကဘာပို့တယ်ဆိုတာမမြင်ရအောင်လုပ်နည်း

 

iPhone တွေမှာ Noti တက်ရင်ဘယ်သူကဘာပို့တယ်ဆိုတာမမြင်ရအောင်လုပ်နည်း

အားလုံးပဲမင်္ဂလာပါ .. ဒီနေ့ပြောပြပေးသွားမှာကတော့ iPhone/iPad တွေမှာ Messenger ကပဲဖြစ်ဖြစ် Message ကပဲဖြစ်ဖြစ် ဒါမှမဟုတ် တခြား social media apps တွေကပဲဖြစ်ဖြစ် notification ဝင်လာတဲ့အခါ အောက်ကပုံမှာပြထားသလို Notifications ဆိုတာပဲပေါ်ပြီး ဘယ်သူက ဘာပို့တယ်ဆိုတာကို မပေါ်အောင်ပိတ်ထားနည်းပဲဖြစ်ပါတယ် 

 

Add caption

အရင်ဆုံး Settings > Notifications > ကိုယ်ပိတ်ချင်တဲ့ App Name > Previews ထဲဝင်လိုက်ပါ .. အောက်ပါပုံအတိုင်းမြင်ရပါလိမ့်မယ် ..

Face ID ပါတဲ့ Device တွေကတော့ When Unlocked က Default ဖြစ်ပြီး Touch ID device တွေကတော့ Always က Default ပါ … ဒီ 3 ခုအကြောင်းကိုရှင်းပြချင်ပါတယ် ..

Always ကတော့ ဖုန်းကို locked လုပ်ထားထား မလုပ်ပဲထားထား Noti တက်လာရင် ဘယ်သူကဘာပို့တယ်ဆိုတာကိုပြသွားပေးသွားဖြစ်ပြီး ..

When Unlocked ကတော့ Phone ကို Unlocked လုပ်ထားချိန်မှာပဲ ပြသပေးမှာဖြစ်ပါတယ် .. Locked ထားချိန်မှာတော့ အပေါ်ပုံမှာပြထားသလို Notification ပဲပြပေးနေမှာပါ ..

Never ကတော့ Locked ထားထား Unlocked လုပ်ထားထား ဘယ်သူကဘာပို့တယ်ဆိုတာကိုပြသပေးမှာမဟုတ်ပဲ အမြဲတမ်း Notification ဆိုပြီးပဲပြသနေမှာပါ .. ဒါကတော့ ကိုယ်ဖုန်းသုံးနေတာကို တခြားတစ်ယောက်ကလာကြည့်နေတဲ့အချိန်မှာလုပ်ထားရင် အသုံးဝင်ပါတယ်

Add caption

နောက်တချက်ကတော့ မိမိဖုန်းကို Locked လုပ်ထားချိန်မှာ Lock Screen ကနေ အသုံးပြုခွင့်တွေကိုထိန်းချုပ်တာပဲဖြစ်ပါတယ် ..

Settings > Face ID & Passcode > Today View ဆိုတာကိုပိတ်ထားရင် Locked လုပ်ထားချိန်မှာ Widget တွေကိုကြည့်လို့ရမှာမဟုတ်ပါဘူး ..

အလားတူပဲ Notification Centre ကို ပိတ်ထားရင် Noti Bar ကိုကြည့်လို့ရမှာမဟုတ်ပါဘူး ..

Control Centre ကိုပိတ်ထားရင်လဲ Lock Screen ကနေ Internet ဖွင့်ပိတ်လုပ်တာတွေ, Airplane Mode လုပ်တာတွေကိုလဲ ကာကွယ်နိုင်ပါတယ် ..

Siri ကိုပိတ်ထားရင်တော့ Lock screen ကနေ Siri ကိုအသုံးပြုနိုင်မှာမဟုတ်ပဲ Reply with message ကိုပိတ်ထားရင်တော့ Lock screen ကနေ Notification တွေကို 3D Touch or Haptic Touch သုံးကာ reply ပြန်နိုင်တော့မှာမဟုတ်ပါဘူး ..

Home Control တို့ Wallet တို့ကိုပိတ်ထားရင်တော့ Smart HomeKit accessories တွေ, Bank Card တွေ, Boarding Passes တွေကို Lock screen ကနေ access လုပ်လို့ရမှာမဟုတ်ပါဘူး ..

Return missed call ကတော့ missed call တွေကိုပြန်ခေါ်တာကို lock screen ကနေ လုပ်ဆောင်နိုင်မှာမဟုတ်ပါဘူး ..

USB Accessories ကတော့ iPhone တွေကို unlock လုပ်မှာ computer နဲ့ချိတ်ဆက်ပြီး data transfer လုပ်လို့ရအောင် control လုပ်တာပဲဖြစ်ပါတယ် … ဒီလောက်ဆိုနားလည်လောက်ပါပြီ

တခုသိထားရမှာက Locked Screen ဆိုတာ Unlocked မလုပ်ရသေးတဲ့အခြေအနေကိုပြောတာဖြစ်ပါတယ် .. မိမိမျက်နှာ သို့မဟုတ် လက်ဗွေနဲ့ unlock လုပ်ပြီးရင်တော့ ခုနကပိတ်ထားတာတွေကို access လုပ်လို့ရသွားမှာဖြစ်ပါတယ်

iPhone တွေမှာ region ကွာရင် Quality ကွာသွားတတ်လား, ဘာတွေထပ်ကွာသွားတတ်လဲ?

 

iPhone တွေမှာ region ကွာရင် Quality ကွာသွားတတ်လား, ဘာတွေထပ်ကွာသွားတတ်လဲ?

 

iPhone တွေရဲ့ Model No. နောက် 2 လုံး ဒါမှမဟုတ် 3 လုံးကိုကြည့်လိုက်မယ်ဆိုရင် ZP/A, LL/A, X/A စသဖြင့် alphabet တွေကိုတွေ့ရမှာပါ .

အဆိုပါ နံပါတ်တွေဟာ iPhone ရဲ့ Region ကိုကိုယ်စားပြုတာပါ .. အဲ့ဒီ Region ကွာသွားတာနဲ့ ဘာတွေကွာခြားသွားတတ်လဲဆိုတာကိုအဓိကပြောပြပေးသွားမှာဖြစ်ပါတယ်

မိမိဖုန်းကဘယ် region လဲဆိုတာသိချင်ရင် Settings > General > About က Model နံပါတ် နောက်ဆုံး 3 လုံးကိုကြည့်ပြီး ဒီ Link ကနေ စစ်ဆေးနိုင်ပါတယ် https://www.theiphonewiki.com/wiki/Model_Regions

1. ဘာလို့ Region တွေကွာရတာလဲ?

ဒီကိစ္စကိုမပြောခင်အရင်ဆုံး Apple စက်ရုံအလုပ်လုပ်တဲ့ပုံကိုပြောပါမယ်

Apple ဟာ ဖုန်းအစိတ်အပိုင်းတွေကိုကိုယ်တိုင်ထုတ်လုပ်လေ့မရှိပါဘူး .. Display နဲ့ Battery ဆို Samsung ကနေမှာတယ်, Chipset ဆို TSMC ဖြစ်ဖြစ် Samsung ကဖြစ်ဖြစ် တလှည့်ဆီမှာတယ် .. အစရှိသဖြင့် Supplier ဆီကရလာတဲ့ အစိတ်အပိုင်းတွေကို တရုတ်ပြည်မှာရှိတဲ့ Foxconn လို့ခေါ်တဲ့စက်ရုံဆီကိုပို့ပါတယ် .
အဲ့စက်ရုံမှာ အစိတ်အပိုင်းတွေကိုတပ်ဆင်ပြီး Quality Control (QC) test တွေစစ်ဆေးပြီး Pass ဖြစ်မှသာ ကမ္ဘာအနှံ့ကိုတင်ပို့ပါတယ်

ဒီနေရာမှာ ဘယ် region က iPhone ဖြစ်ဖြစ် တပ်ဆင်တာပါ (ခြွင်းချက်အနေနဲ့ iPhone SE ကိုတော့ India ကစက်ရုံမှာဆင်လိုက်ပါသေးတယ်) .. ဒါကြောင့် iPhone တွေက Assembled in China ဖြစ်နေတာပါ ..

ဒီနေရာ တခြားစက်ရုံတွေလဲ Apple အတွက် assemble လုပ်ပေးပေမယ့် Foxconn ကပဲအဓိကတာဝန်ယူတပ်ဆင်တာမလို Foxconn ကိုပဲ mention လုပ်ထားတာပါ .

Region ခွဲလိုက်ရတဲ့အဓိကအကြောင်းရင်းကတော့ ကမ္ဘာပေါ်မှာရှိတဲ့ တနိုင်ငံနဲ့တနိုင်ငံ policy တွေမတူလို့ပါ ..

ဥပမာ US မှာ 2-pin adapter က standard ဖြစ်တယ် .. Singapore မှာတော့ 3-pin adapter က standard, Australia မှာကျတော့ 3-pin ကိုမှ အောက်က 2 pin ကအစောင်း .. စသဖြင့် ဒီလို standard အလိုက် လိုက်ခွဲပေးတယ် ..

နောက်တချက်ကျ Korea, Japan တို့မှာ ဓာတ်ပုံခိုးရိုက်မရအောင် camera ရိုက်ရင် shutter သံကို silent လုပ်လို့မရအောင်လုပ်ထားပေးရပါတယ် ..

ဒါ့အပြင် UAE အလုံးတွေမှာဆို FaceTime မပါပါဘူး .. ဒီလိုမျိုး တနိုင်ငံနဲ့တနိုင်ငံ standard တွေ policy တွေမတူတဲ့အခါ ဒါတွေကိုလိုက်လျောညီထွေဖြစ်ဖို့အတွက် Region code တွေသတ်မှတ်ပြီး တင်ပို့တာပဲဖြစ်ပါတယ် ..

အားလုံးထင်နေကြသလို LL/A (US) အလုံးမှကောင်းတာတို့ ZA/A (SG) အလုံးမှကောင်းတာတို့ဆိုတာ မဟုတ်ပါဘူး .. Apple က quality ကိုတတန်းတည်းသတ်မှတ်ထားပေးပြီးသားပါ

တရုတ်ပြည်ကလာတဲ့ Refur အစုတ်တွေက LL/A နဲ့လာတာများပါတယ်.. လူတွေက LL/A မှကြိုက်ကြတော့ ဂျင်းထည့်ကောင်းလို့ပါ

         ဒီပုံကတော့ Australia အတွက်သတ်မှတ်ထားတဲ့ Standard Adapter ပဲဖြစ်ပါတယ်
 

2. မြန်မာနိုင်ငံကလူတွေက ဘယ် region တွေကိုရွေးချယ်ဝယ်ယူသင့်သလဲ?

ဘယ် region အလုံးပဲကိုင်ကိုင် Sim Unlocked အလုံးတွေဆိုမြန်မာနိုင်ငံမှာအသုံးပြုနိုင်ပါတယ် ..

ဒါပေမယ့် မြန်မာနိုင်ငံက Apple Authorised Service Provider (AASP) တွေဟာ မြန်မာနိုင်ငံအတွက်သတ်မှတ်ထားတဲ့ region ဝင်တဲ့အလုံးတွေကိုသာ service လုပ်ပေးတာဖြစ်လို့ သင့်ဖုန်းဟာ region မဝင်ရင်သူတို့ဆီမှာ service လုပ်လို့မရပါဘူး ..

တခုသိထားရမှာက နိုင်ငံခြားပြန်ပို့စရာမလိုတဲ့ Display replacement လိုကိစ္စမျိုးဆိုရင်တော့ region ဝင်ဝင် မဝင်ဝင် လဲပေးပါတယ် ..

ဒါဆို AASP တွေမှာပြခြင်းရဲ့ အကျိုးကျေးဇူးတွေကိုသင်သိချင်မယ်ထင်ပါတယ် .. ဒီအောက်က post တွေကိုဖတ်ကြည့်လိုက်ပါ .. AASP တွေရဲ့ အသုံးဝင်ပုံကိုသင်သိလာပါလိမ့်မယ်

Free Repair Program – https://www.pyaeheinnkyaw.tech/all-apple-repair-programs/

Apple Warranty – https://www.pyaeheinnkyaw.tech/apple_warranty/

Battery Replacement Program – https://www.pyaeheinnkyaw.tech/battery-replacement-program/

ဒီလောက်ဆိုရင် region ဝင်တဲ့ဖုန်းတွေကိုပိုပြီးရွေးချယ်သင့်တယ်လို့မြင်ပါတယ် .. Region ဝင်တဲ့ဖုန်းကိုဘယ်လိုရွေးချယ်ရမလဲဆိုရင်တော့ Apple Authorised Reseller ဖြစ်တဲ့ mDrive, Innoflow, Wai Yan Electronics တို့မှာ ဝယ်ယူနိုင်ပါတယ် ..

အဲ့ဆိုင်တွေမှာမဝယ်ချင်ဘူးဆိုရင်တော့ တခြားဆိုင်တွေမှာ Myanmar နိုင်ငံရဲ့ Region code နဲ့ ရှာဝယ်နိုင်ပါတယ် .. Myanmar နိုင်ငံအတွက် တရားဝင် region code ကတော့ LL/A, ZA/A စတာတွေနဲ့ မဆိုင်ပဲ Settings > General > Regulatory က A နဲ့ ဂဏန်းလေးလုံးနဲ့သာဆိုင်ပါတယ် .. အောက်ပါပုံကတော့ region ဝင်တဲ့ model တွေကိုဖော်ပြပေးထားတာပဲဖြစ်ပါတယ်

အထက်ပါပုံအတိုင်းကိုက်ညီတယ်ဆိုရင်တော့ AASP တွေမှာ Service လုပ်ဖို့ Eligible ဖြစ်မှာပဲဖြစ်ပါတယ် .. အားလုံးပဲအဆင်ပြေကြပါစေ

PC နဲ့ iPhone ချိတ်ပြီး Data တွေ Transfer လုပ်ဖို့အတွက် အကောင်းဆုံး Tools တစ်ခု

 

      အားလုံးပဲမင်္ဂလာပါခင်ဗျာ .. ဒီနေ့တော့ iTools ထက်သုံးလို့ကောင်းတဲ့ Tools လေးတစ်ခုမိတ်ဆက်ပေးပါရစေ .. နာမည်ကတော့ 3utools ဖြစ်ပါတယ် .. သူ့ရဲ့ မာတိကာမှာတင်လုပ်လို့ရတဲ့ Function တွေတော်တော်စုံပါတယ် .. Function တွေကတော့

– Jailbreak လုပ်ထား/မထားပြမယ်

– Activate လုပ်ထား/မထားပြမယ်

– ဖုန်းရဲ့ Information အစုံပြတဲ့အပြင်

– Find My iPhone on ထား/မထားလည်း One Click နဲ့စစ်လို့ရတယ် ..

– Warranty Date ဘယ်နေ့ကုန်မယ် iCloud ဝင်ထား/မထား စစ်နိုင်မယ်

– Battery Condition ပါပြပေးနိုင်တယ်ဗျာ ..

ဒါတောင် မာတိကာ (Info Tab) မှာပဲပါသေးတဲ့ Function တွေနော် ,. တခြားတွေကတော့

– Ringtone တွေလုပ်နိုင်မယ် ..

– Music app ထဲသီချင်းတွေ import/export နိုင်မယ်

– Application တွေ Import နိုင်မယ်

– Application ထဲက Data တွေ Export နိုင်မယ်

– Video App ထဲ Video တွေ Import/Export နိုင်မယ်

– Photos/Books တွေ Import/Export နိုင်မယ်

– Jailbreak လုပ်နိုင်မယ် ..

– Firmware တင်နိုင်မယ် (.iPSW တွေဒေါင်းနိုင်မယ်ပေါ့ဗျာ)

– Data backup တွေလုပ်နိုင်မယ် စတာတွေအပြင် Tools ပေါင်းစုံပါဝင်ပါတယ် .. သူကတော့ License Free အနေနဲ့ထွက်ထားပြီး .. Size ကတော့ 100MB လောက်ရှိပါတယ် .. OS ကတော့ Windows XP ကနေ Windows 10 ထိ 32/64bits အသုံးပြုနိုင်ပါတယ် .. တခြား OS တွေအတွက်မထွက်သေးပါဘူး .. ဒီ App ကိုအသုံးပြုချင်ရင် iTunes ကို install ထားမှရပါမယ် ဒါမှမဟုတ် iTunes Driver တင်ထားရပါမယ် .. ဒါကလဲ App ကို download လုပ်ပြီးရင် လိုအပ်တာအကုန် install လုပ်သွားပါလိမ့်မယ် လ.. အောက်က link မှာ Download လုပ်နိုင်ပါတယ် ..

Download link -> www.3u.com

iPhone 12 Colors

iPhone 12 Colors

ဘယ်အရောင်ကြိုက်လဲ ?

သင့်ကို ဝယ်ပေးမဲ့သူရှိပြီလား ?

 

LiDAR Scanner

 

iPhone 12 Pro နဲ့ 12 Pro Max မှာသုံးပေးထားတဲ့ LiDAR Scanner ဟာ NASA ကနေ Mars ဂြိုဟ်ပေါ်ဆင်းသက်မယ့်ယာဉ်မှာ အသုံးပြုမယ့်နည်းပညာပါ

ပုံထဲမှာမြင်ရတဲ့အတိုင်း တတိယမြောက် Camera Lens ရဲ့အောက်က အနက်ရောင်အဝိုင်းလေးက LiDAR Scanner ပဲဖြစ်ပါတယ်

အလုပ်လုပ်ပုံကတော့ LiDAR ကနေ အလင်းမှုန်လေးတွေထုတ်ပေးလိုက်ပြီး အဲ့အလင်းမှုန်လေးတွေကနေ အရာဝတ္ထုတွေကိုရိုက်ခတ်ပြီး LiDAR ဆီကို ပြန်လာတဲ့လမ်းကြောင်းကိုတွက်ချက်ပြီး Depth Map ထုတ်ပေးတာပဲဖြစ်ပါတယ် .. LiDAR ဟာ 5 မီတာ (16 ပေခွဲ) ထိကောင်းကောင်းအလုပ်လုပ်နိုင်ပါတယ် .. LiDAR ဟာ ဒီ Process ကို တစက္ကန့်တောင်မကြာတဲ့ Nano-second အတွင်းမှာတင် ပြီးအောင်လုပ်ဆောင်နိုင်ပါတယ်

LiDAR ကြောင့်ဘာတွေတိုးတက်လာနိုင်လဲဆိုတော့ AR ပိုင်းနဲ့ ညဖက်ကင်မရာရိုက်တဲ့အခါအများကြီးတိုးတက်လာနိုင်ပါတယ် .. LiDAR ဟာကင်မရာရှေ့မှာရှိတဲ့ အရာဝတ္ထုတွေကို Depth Map ဆွဲပေးနိုင်လို့ Augmented Reality (AR) ပိုင်းအများကြီးတိုးတက်လာပြီး ပိုမိုတိကျလာမှာပါ

ဒါ့အပြင် LiDAR ကြောင့် ညဖက်ဓာတ်ပုံရိုက်ရင် ပုံမှန်ထက် 6 ဆလောက် Autofocus မြန်မှာဖြစ်ပြီး Portrait ဓာတ်ပုံတွေကိုပါ Night Mode နဲ့ရိုက်နိုင်မှာဖြစ်ပါတယ် .. ဒီလောက်ဆို LiDAR Scanner အကြောင်းနားလည်လောက်ပါပြီ