iOS ၏ အသုံးဝင်ဆုံးနဲ့ အကောင်းဆုံး AirDrop

AirDrop အကြောင်းကို ရေးချင်နေတာ ကြာပါပြီ ။ ဒါပေမယ့် ရှေးပဝေသဏီကထဲက ပါလာပြီးသား Feature ဖြစ်တဲ့အတွက် လူတိုင်း သိရှိပြီး ဖြစ်နေကြမှာပဲ ။ ငါရေးလည်း အပိုပဲ ဆိုပြီး စိတ်ထဲထင့်နေတာနဲ့ ပို့စ်အဖြစ် မထွက်လာခဲ့တာပါ ။ 
အခုတော့ AirDrop အသုံးပြုပုံကို တင်ပေးဖို့ တောင်းဆိုတဲ့ ယူစာတွေ ရှိလာတဲ့အတွက် ဒီပို့စ်လေးကို တတ်သလောက် မှတ်သလောက်လေး ရေးပြီး တင်ပေးလိုက်ရပါတယ်ခင်ဗျာ ။ 
AirDrop အလုပ် လုပ်ပုံက နာမည်ကြီး App တစ်ခုဖြစ်တဲ့ Zapya နဲ့ အတော်လေး ဆင်ပါတယ် ။ 
သိတဲ့အတိုင်းပါပဲ ။ 
Zapya ကို Andriod တွေ အပေါ်မှာ အသုံးပြုရတာ Performance ရော ၊ Speed တွေရော ပိုမို ကောင်းမွန်လှပေမယ့် iOS အပေါ်မှာတော့ လုပ်ရတဲ့ အဆင့်အချို့ကြောင့် အနည်းငယ် အခက်အခဲ ရှိပါတယ် ။ 
ဒီတော့ iOS ရဲ့ Built-in ပါလာတဲ့ AirDrop ဟာ iDevice အသုံးပြုသူတွေကြားမှာတော့ အသုံးဝင်ဆုံးနဲ့ အကောင်းဆုံးသော Feature တစ်ခုအဖြစ် AirDrop ဟာ ယနေ့ထိအတိုင် ပန်းပန်နေတာပဲ ဖြစ်ပါတယ် ။ 

AirDrop ကို Setting >> General >> AirDrop ကို ဝင်ပြီး Everyone ကို ရွေးပေးလိုက်ခြင်းဖြင့် AirDrop ကို Open လို့ ရပါတယ် ။ 
ဒီနည်းလမ်းက သွားရတဲ့ အဆင့်တွေ ရှုပ်နေတယ်ဆိုရင် Control Center ကို ခေါ်လိုက်ပါ ။ ပုံထဲက နေရာလေးကို ခပ်ကြာကြာ ခပ်တင်းတင်းလေး ဖိထားလိုက်ပါ ။ 3D Touch မပါလည်း ဒီ Feature က အလုပ် လုပ်ပါတယ် ။

ဒါမျိုး Option လေး ပေါ်လာရင် AirDrop အိုင်ကွန်ကို နှိပ်ပေးလိုက် ရပါမယ် ။ 

AirDrop ကို ပိတ်မလား ? 
ဖုန်း Contacts ထဲက သူတွေကိုပဲ ပို့မလား ? 
လူတိုင်းကိုပဲ ပို့မှာလား ? 
ဒီနေရာမှာ ရွေးပေး ရပါမယ် ။ 
AirDrop အသုံးပြုပြီးလို့ ပြန်ပိတ်ချင်တယ် ဆိုရင်လည်း ဒီနေရာကိုပဲ သွားရောက်ပြီး Receiving Off ကို ရွေးပြီး နှိပ်လိုက် ရပါမယ် ။ 

ဒီပုံထဲကလိုမျိုး တွေ့ရပြီဆို AirDrop က အသုံးပြုဖို့ အဆင်သင့် ဖြစ်နေပါပြီ ။ 

Photos App လို့ ခေါ်တဲ့ Camera Roll ထဲကို ဝင်ပြီး မိမိ Share ပေးချင် , ပို့ချင်တဲ့ ဓါတ်ပုံတွေ ၊ ဗွီဒီယိုတွေထဲကို ဝင်လိုက်ပါ ။ ပြီးရင် ဘယ်ဖက်အောက်က Share ခလုတ်လေးဖြစ်တဲ့ မျှားအပေါ်ထောင်လေးကို နှိပ်လိုက် ရပါမယ် ။ 

မိမိဖုန်းနဲ့ AirDrop ချိတ်ဆက်ထားရှိသည့် iDevice ရဲ့ နာမည်တွေ ဒီနေရာမှာ ပေါ်လာပါလိမ့်မယ် ။ 1 to 1 ချိတ်ပြီး Share တာက ပိုအဆင်ပြေ ၊ ပိုမြန်ဆန်ပါတယ် ။ ပေါ်နေတဲ့ iDevice နာမည်ကို နှိပ်ပေးလိုက်ရုံပါပဲ ။ 

အခြားသော iDevice ပေါ်မှာ ဒီလိုမျိုး Comfirm Pop-up လေး တက်လာရင် Accept လုပ်ပေးလိုက် ရပါမယ် ။ 

မြင်ကြတဲ့အတိုင်းပါပဲ ။ 
မိမိဖုန်းပေါ်ကနေ Share ပေးလိုက်တဲ့ Videos ဖိုင်ဟာ အခြားသော iDevice ပေါ်ကို Sending လုပ်နေပြီပဲ ဖြစ်ပါတယ် ။ 
Sending အဝိုင်းလေး တစ်ပါတ်ပြည့်သွားပြီဆိုတာနဲ့ Finish All ဖြစ်သွားပြီပဲ ဖြစ်ပါတယ် ။ 
ဒါကတော့ iOS ရဲ့ Built-in အလန်းစား Feature ဖြစ်တဲ့ AirDrop ကို အသုံးပြုပုံ , အသုံးချပုံ နည်းလမ်းလေးပဲ ဖြစ်ပါတယ် ။ 
အားလုံးချမ်းမြေ့ကြပါစေ ။ 
ဇာနည် ( iOS Banker Myanmar )